Reportajen estudante estajiadu UNTL, Joanina Casemiro
Sekretaria Estadu Igualdade no Inkluzaun (SEII), Maria do Rosário Fátima Correia hateten lei kontra violénsia doméstika ho definisaun krime públiku, se de’it mak hare kazu refere tenke relata ba Ministériu Públiku, ne’ebé eziste iha nasionál, munisípiu no Postu Administrativu sira.
“Iha kazu ne’ebé durante dominante mak violénsia doméstika no abuzu sexual, abandona no insestu maibé ita hare feto barak brani ona, vítima sira relata nia kazu tuir sistema nasionál, ONG barak mak akompaña bainhira sira asesu justisa formal iha ONG Asisténsia Légal ba Feto Labarik (ALFELA), Forum Komunikasaun ba Feto Timor-Lorosa’e (FOKUPERS), sira halo akompañamentu ba iha Ministériu pPùbliku no mos iha tribunal”, hateten Sekretaria Estadu Igualidade no Inkluzaun Maria R.F.Correia ba Jornalista sira iha Salaun Hotel Novo Turizmu 06/07.
Sekretaria Estadu ba Igualdade no Inkluzaun ba vizita Munisípiu ha’at ona, hare fila fali ba kotuk kazu ne’ebé barak liu kuaze kazu barak dalaruma to’o 200 ou 300, maibé foin lalais relata hosi Janeiru to’o Maiu 2022.
“Ita iha lei partidu politika iha elisaun parlamental ne’ebé 30 % ba feto, entaun ita la halo ona advokasia, tanba agora ita mos iha asentu parlamentár feto konta ba 40%, ita hare ba fali iha pasífiku, nasaun ne’ebé feto nia partisipasaun Parlamentu Nasionál Timor Leste numeru 1 iha 40% feto mak tur iha Parlamentu. Ita esforsu mos oinsa atu halo advokasia ba iha Munisipál sira atu konsidera mos feto nia partisipasaun, hodi foti desizaun iha ne’eba iha mos autoridade lokál iha suku 400 resin suku, maibe foin lalais ita iha de’it 5% feto sai suku 4% mak feto sai Xefe Aldeia”, dehan Sekretariu Estadu Maria do Rosario Fatiman
