Home Notisia Governu Aprova PAN Defisiénsia 2021-2023, ADTL: Labele Husik Ema Ida Iha Kotuk

Governu Aprova PAN Defisiénsia 2021-2023, ADTL: Labele Husik Ema Ida Iha Kotuk

398
0
Maluk defisiensia tara tais ba feto maluk. [Foto: Media ADTL | 13.10.2021]

Reportajen Francisco JDA

Asosiasaun Defisiénsia Timor-Leste (ADTL) kongratula VIII Governu ne’ebé aprova ona  projetu Rezolusaun Governu nian kona-ba Planu Asaun Nasionál ba Ema ho Defisiénsia tinan 2021 to’o 2030, ne’ebé aprezenta husi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos.

Planu Asaun Nasionál ba ema ho Defisiénsia tinan 2021 to’o 2030 ho objetivu prinsipál atu garante promosaun ba direitu ema ho Defisiénsia iha períodu tinan 2021 – 2030, tuir orientasaun sira ne’ebé define ona husi Polítika Nasionál ba Inkluzaun no Promosaun Direitu Ema ho Defisiénsia, ne’ebé aprova liuhusi Rezolusaun Governu nú. 14/2012, loron 9 Maiu, liuhusi asaun lubun ida atu dezenvolve ho forma artikulada husi entidade públika sira lubun ida.

Liuhusi komunikadu imprensa  ne’ebé Neon Metin asesu, Porta Voz ADTL, Rosalia Teresa Pereira hatetn apresia tebes ba Primeiru Ministru, Ministériu Solidariedade Sosiál Inkluzaun (MSSI) no Ministériu relevante sira ne’ebé durante ne’e hola parte iha prosesu dezenvolve planu asaun nasionál ba ema ho defisiénsia nune’e too ohin loron bele hetan aprovasaun

“Dokumentu ida ne’e ami konsidera dokumentu importante ida hanesan matadalan ba Planeamentu ba dezenvolvimentu Timor-Leste ida inkluzivu no sensivel ba asuntu defisiénsia hodi atinje la husik ema ida hela iha kotuk iha Timor-Leste, “ hatete Porta Voz ADTL, Rosalia Teresa liu hosi komunikadu Imprensa ne’ebé Neonmetin asesu iha loron, 13/10

Porta Voz ADTL ne’e mós rekomenda ba Ministériu no Sekretario Estadu hirak ne’ebé hola parte atu implementa Planu Asaun Nasionál (PAN) defisiénsia ne’e, tenke tau osan kada tinan hodi asegura implementasaun, nune’e mós presiza sosializa PAN defisiénsia ba diresaun hotu iha Ministériu no Sekretáriu estadu sira hodi asegura entendimentu ba dokumentu hosi parte hotu no ADTL, kontinua koopera hodi asegura implementa PAN liu hosi monitorizasaun ho kritika konstrutivu ba parte relevante sira, tanba se la iha asaun ba inkluzaun mak Timor-Leste sei la atinje meta planu estratéjiku dezenvolvimentu Nasionál 2011-2030

Print Friendly, PDF & Email

LEAVE A REPLY

Please enter your comment!
Please enter your name here