Home Notisia Governu Hapara Subsídiu Ba Veteranu na’in 2088 Tanba Falsifika Dokumentu

Governu Hapara Subsídiu Ba Veteranu na’in 2088 Tanba Falsifika Dokumentu

1140
0
Sekretáriu Estadu Antigu Kombatente Libertasaun Nasionál (SEAKLN), Gil da Costa Monteiro. [Foto: Santina | 13.10.2021]

Reportajen Santina Lucia da Costa

Sekretáriu Estadu Antigu Kombatente Libertasaun Nasionál (SEAKLN), Gil da Costa Monteiro “Oan Soru” informa governu liuhusi SEAKLN hapara tiha ona subsídiu veteranu ba ema na’in 2088 iha territóriu Timor-Leste tanba falsifikasaun dokumentu.

Hafoin enkontru ho Prezidente Repúblika,  Sekretáriu Estadu Antigu Kombatente Libertasaun Nasional (SEAKLN) hateten kona-ba falsifikasaun dokumentu deteta barak, ema simu pensaun ne’e hahú husi fulan Janeiru 2008 mai to’o ohin loron, hapara ema ne’ebé simu osan ne’e hamutuk 2088 iha territóriu Timor-Leste.

Gil da Costa Monteiro dehan hola medida hanesan tanba la tolera sidadaun sira han matak osan estadu pois fó impaktu ba estadu tau matan ba povu kbiit laek sira.

“Prosesu ba oin la’os hau nia urusan,  hau nia urusaun taka osan,  estadu nia osan fila,  ema ki’ak mukit barak,  depois prosesu sira seluk ne’e urusan sira nian la’os hau nian,  orsida hau tama sala ema nia kintal.” hateten Gil da Costa Monteiro “Oan Soru” iha Palásiu Prezidensiál Nicolau Lobato, Bairu-Pite, 13/10.

Oan Soru akresenta verifikasaun dadus iha tinan 2009, ne’e prosesu lao hela, Oe-cusse hotu tiha ona, munispiu seluk seidauk sei lao nafatin,  serbisu hahu husi fulan Agostu to’o agora kontinua lao iha territóriu tomak.

Print Friendly, PDF & Email

LEAVE A REPLY

Please enter your comment!
Please enter your name here