Reportajen Silvino Freitas
Ema ho defisiénsia ezerse direitu votu demokratiku ne’ebé di’ak ho fatin ne’ebé sufisiente no prioridade iha sentru votasaun Faról Dili, nune’e sira ezerese direitu ne’e ho esperánsa katak bele hadi’a nasaun no kria serivsu ba joven sira.
Difisiénte João Mendonca hateten, nia ezerse nia votus ba partido ne’ebé sei lori dezenvolvimento ba nasaun ne’ebé di’ak liu, no kria mós kampu servisu ba joven sira.
“Ha’u nia votus ne’e segredu no fó ba ema ne’ebé lori nasaun ba oin kria servisu ba joven sira” dehan difisiénte João hafoin ezerse nia direitu votu iha eskola Faról Dili, (21/05).
Fatin hanesan difisiénte Asis do Santos hateten, sente kontente maski ho kondisaun ne’ebé difisiénte maibé bele hala’o eleisaun, ho kondisaun difisiénte maibé nafatin fó edukasaun ba oan no beioan sira tanba eleisaun ne’e importante.
“Eleisaun ida ne’e atu hili ema ne’ebé di’ak hodi proteje liuliu ba ami sira ne’ebé moras, ami ba iha ospitál ai-moruk laiha maibé doutor iha ida ne’e problema” dehan difisiénte Asis hafoin ezerse nia votu iha eskola Faról Dili.
Nia dehan tan, fatin Faról nia hala’o ona vota ba dala rua, no hetan prioridade tanba ema moras nune’e ema sira ne’ebé hein no autoridade sira iha preparasaun ne’ebé di’ak ba ema ho difisiente sira, nune’e fatin ne’ebé nia hala’o votasaun ne’e di’ak no sufisiente.
