Home Notisia COVID-19, Detekta Kazu Positivu Foun Ida, MS: La Halo Teste Iha Aero...

COVID-19, Detekta Kazu Positivu Foun Ida, MS: La Halo Teste Iha Aero Portu

718
0
Ministra Saude, Dra. Odete Belo iha konferensia imprensa. [Foto: Francisco JDA | 20.08.2020]

Reportazen Francisco JDA

Oras ne’e dadauk pesoal saude sira kontinua halo kontrolu maluk sira iha kuarentena no ema sira ne’ebe mai hosi estranjeiru tama mai Timor, la halo teste iha aeroportu no husik tama kuarentena hafoin halo teste

Ohin loron 20 Agusto Ministeriu Saúde detekta tan kazu Positivu COVID-19 foun 1, hosi sidadaun Timor-Leste.

Liu hosi konferensia imprensa Ministra Saude, Dra. Odete Belo maluk timoroan ne’e mai ho aviaun Citilink ne’ebe aluga hosi SEFOPE, ne’ebe to’o Dili iha loron 5 Agusto no lori kedas ba iha fatin kuarentena Hotel Farol.

Ministra informa katak sidadaun ne’ebé halao kuarentena iha Otel Farol hamutuk ema nain 10 no dadaun ne’e Ministeriu Saúde kontinua hala’o teste ba ema nain sia, ne’ebé hela iha Otel Farol no rezultadu teste negative.

Ministra dehan sidadaun ne’ebé hetan kazu positivu,  nia sae tuir Aviaun ne’ebé tula estudante ka trabalhador hosi Korea mai Timor-Leste no nia sae tuir iha Denpasar-Indonesia.

“Bainhira ita detekta katak nia positivu, pessoal Ministeriu Saúde nian no ospital evakua kedas hosi kuarentena ba isolamentu Vera Cruz” hateten Ministra Saúde iha Kaikoli,Palásiu Cincas,20/08

Ministra Saúde reforsa tan, sidadaun timoroan ne’ebé hetan kazu positivu, nia asintomatiku katak la iha mear ka kakorok moras, la isin manas no nia kondisaun di’ak.

Oras ne’e dadauk pesoal saude sira kontinua halo kontrolu ba entidade ne’ebe iha kuarentena no ema sira ne’ebe mai hosi estranjeiru ne’ebe tama mai Timor, la halo teste iha aeroportu no husik tama kuarentena hafoin halo teste

Ministra Saúde Odete Belo reforsa tan katak Pesosal saúde sira kontinua halo kontrola ba Entidade ne’ebé iha Kuarentena no Check nafatin, maibé Estranjeiro ne’ebé mai MS la halo Teste iha Aeroportu no husik Tama Kuarentena hafoin halo Teste.

Ba moras surtu COVID-19, Ministeriu Saude apela ba komunidade sira kontinua fase liman nafatin, uza maskara no kumpri protokolu COVID-19 ne’ebe fo sai hosi Organizasaun Mundial Saude nian.

LEAVE A REPLY

Please enter your comment!
Please enter your name here