Home Notisia Lu Olo: Valor Asua’in FALINTIL Mai Ita Mak Servi Onestu, Kore Povu...

Lu Olo: Valor Asua’in FALINTIL Mai Ita Mak Servi Onestu, Kore Povu Hosi Mukit

348
0
Prezidente Republika, Dr. Francisco Guterres Lu Olo. [Foto: Santina Lucia da Costa | 20.08.2020]

Reportazen Santina Lucia da Costa

Prinsípiu ida ne’e mak ha’u halo no kumpre durante ne’e, maske iha situasaun polítika ne’ebé hamosu dúvidas hosi polítiku-nain balun, ba Órgaun Estadu tomak maibé ita-nia veteranu, kombatente, joven no povu tomak kontinua tau konfiansa ba Órgaun Estadu nian.Ho orgulhu ha’u saúda maturidade povu Asuwa’in Timor-Leste no veteranus FALINTIL iha loron ohin”. Lu Olo

Prezidente Republika, Dr. Francisco Guterres Lu-Olo partisipa iha komemorasaun loron FALINTIL ba dala-45, ho tema “Ho Espiritu FALINTIL nian, hau prontu no desidiu atu servi interese povu no nasaun nian”.

Liu hosi deskursu Prezidente Republika hateten tema ne’e partikularmente bolu ita ida-idak atu reafirma pozisaun ho reflexu ba istória lala’ok FALINTIL nian durante luta ba libertasaun pátria.

“Ohin espíritu FALINTIL sei fó inspirasaun, kbiit no determinasaun atu ita hotu lao ba oin hamutuk nafatin to’o hetan dezenvolvimentu sosiál no moris-di’ak ba povu tomak, hodi hametin fiar no domin ba ita-nia an rasik, ba sosiedade no nasaun tomak, hanesan saída mak Asua’in FALINTIL sira halo ona durante tinan 24 nia laran, hodi kore povu husi invazor sira-nia ukun”, hateten Prezidente Republika Francisco Guterres Lu-Olo, nia mensajen iha Kuartél-Jeral F-FDTL, Fatuhada, Dili.

Lu-Olo hateten demokrasia no liberdade hanesan konkista boot ida husi FALINTIL, em partikular, no hosi Povu no jerál. Iha tinan 18 ita harii no konsolida nasaun Timor-Leste tuir prinsípiu Estadu Direitu Demokrátiku, tuir Konstituisaun RDTL no ita hatuur ona orgaun estadu ida-idak ho ninia kompeténsia rasik no labele interfere ba malu.

“Prinsípiu ida ne’e mak ha’u halo no kumpre durante ne’e, maske iha situasaun polítika ne’ebé hamosu dúvidas hosi polítiku-nain balun, ba Órgaun Estadu tomak maibé ita-nia veteranu, kombatente, joven no povu tomak kontinua tau konfiansa ba Órgaun Estadu nian.Ho orgulhu ha’u saúda maturidade povu Asuwa’in Timor-Leste no veteranus FALINTIL iha loron ohin”, hateten Lu Olo

Lu Olo akresenta estadu tenke ezerse ninia podér nudar entidade públika atu proteje no defende sidadaun sira-nia direitus. Sidadaun sira tenke iha konxiénsia katak hotu-hotu, nudar sidadaun, iha direitus maibé iha mós responsabilidades no deveres.

Nia hatutan liberdade lao hamutuk ho responsabilidade nune’e, sidadaun ida ne’ebé livre iha responsabilidade ba ema seluk, ba povu tomak no ba estadu. Ho de’it dalan ida ne’e mak ita bele afirma katak ho espíritu FALINTIL nian, ha’u prontu no desididu atu servi Povu no Nasaun nia interese.

“Iha fatin ida ne’e ha’u kontinua repete tan katak ha’u sei hala’o ha’u nia funsaun hotu nu’udar Komandante Supremu Forsas Armadas no Prezidente Repúblika ba Povu tomak no hakru’uk de’it ba Konstituisaun RDTL.” Deklara Lu-Olo.

Hanesan Komandante Supremu Forsas Armadas nian,  hakarak afirma mós katak,  artigu 87 alínea d) husi Konstituisaun RDTL fó kompeténsia ba Prezidente Repúblika servisu ho Governu no  kondús prosesu negosiasaun kona-ba akordu internasionál sira iha área Defeza no Seguransa. Liuhusi akordu sira ne’e, ita tau atensaun ba planu atividade ne’ebé besik ba diplomasia defezaho objetivu atu apoia forsa defeza no seguransa hodi bele kontribui ho di’ak ba polítika esterna. 

Lu-Olo, Subliña, Valor sira ne’ebé Asua’in FALINTIL husik mai ita mak servi onestu, atu kore povu ida ne’e husi mukit nia laran. FALINTIL tuir nia naran rasik hatete, harii hodi liberta ita-nia rai husi okupasaun estranjeira, ho objetivu politíku atu manán funu hasoru invazor.

“Klaru la fásil atu atinji mehi ida ne’e maibé, liuhusi servisu hamutuk ho ita-nia Povu, sai duni realidade. Tanba ne’e mak ita dehan beibeik katak FALINTIL mak ikan, Povu hanesan bee.” dehan Lu-Olo.

LEAVE A REPLY

Please enter your comment!
Please enter your name here