Home Notisia FOKUPERS Hakarak Tau Artigu Espesifiku Iha Kodigu Penal Konaba Kazu Insestu

FOKUPERS Hakarak Tau Artigu Espesifiku Iha Kodigu Penal Konaba Kazu Insestu

417
0
Diretora FOKUPERS, Maria Jose Guterres. [Foto: Zevonia Vieira | 29.02.2020]

Reportazen Francisco JDA

FOKUPERS ne’ebe registu hahu hosi Janeiru to’o Outubro nia rohan, kazu hamutuk 263. Tuir FOKUPERS numeru ne’ebe boot liu mak violensia domestika, tuir kazu abandona hosi laen no namor, abuzu sexual no violesia sexual ba minoridade no kazu insestu hamutuk 48.

Numeru Violensia Doméstika (VD) no Violensia Bazeia ba Jeneru (VBJ) kontinua ass iha Timor Leste. Kauza ne’e mosu tuir Diretora FOKUPERS, Maria Jose Guterres hateten tanba mai hosi ema nia eduksaun no video porno tanba asese livre.

Tuir Diretor FOKUPERS katak pornografia se bainhira ema la kontrola hirus, bele kanaliza ba buat ne’ebe mak la diak no ema nia koinesimentu ba saúde reprodutiva mínimu, entaun menus kontrola emosaun bele akontese violénsia domestica no violensian sira seluk presiza tebes entidade no ema hotu atu kombate hahalok sira ne’e.

“Violensia ne’ebe akontese ba feto no labarik, importante tebes atu kombate no elemina atu nune’e feto no labarik sira bele goza sira nia direitu no liberdade ne’ebe mak hanesan ho mane, tanba ema umanu iha valor no dignidade hanesan, la iha ema ida nia dignidade boot liu ida”, dehan Diretora FOKUPERS, iha salaun Ministeriu Solidariedade Sosial no Inkluzaun (MSSI), 26/11.

Nia realsa katak justica importante tebes iha rai doben ida ne’e, relasiona ho aktus krime saida deit mak ema ida komete, tantu ema ne’e mane ou feto bainhira nia komete krime ruma presiza iha justica ne’ebe mak justu ba aktus ne’ebe nia halo.

“Ami sei halo debate ba kazu insestu, tanba ita hakarak atu hare no halo revisaun ba kódigu penal, atu tau artigu espesífiku ba kazu insestu. Ita sei halo iha dia 10 Dezembru no sei iha mos bazar nasional ne’ebe organiza hosi HIVOS ho nia pareseiro ACbit no FOKUPERS. Bazar ne’e ba feto maluk sobrevivente iha tempu pasadu no mos feto maluk ne’ebe hetan violénsia bazeia ba jéneru iha tempu agora, oinsá mak sira bele halibur malu no promove produtu ne’ebe mak sira halo, ne’ebe bele fo income ba sira nia familia atu garante sustentabilidade ekonomia iha família”, hatete Diretora FOKUPERS Maria José Guterres.

Tuir dadus hosi FOKUPERS ne’ebe registu hahu hosi Janeiru to’o Outubro nia rohan, kazu hamutuk 263. Tuir FOKUPERS numeru ne’ebe boot liu mak violensia domestika, tuir kazu abandona hosi laen no namor, abuzu sexual no violesia sexual ba minoridade no kazu insestu hamutuk 48.

 “Importante tebes hahú hosi entidade hotu, hahú hosi ita nia an rasik, familia, komunidade to’o iha nasaun presiza iha estrategia ida ne’ebe mak diak, atu kombate violénsia kontra feto no labarik feto. Prioridade iha nasaun ida ne’e, fo mos asuntu violénsia bazeia ba jéneru, agencia Nasoens Unidas iha Timor-Leste, hotuhotu kontribui atu halo prevensaun”, dehan Maria Jose

LEAVE A REPLY

Please enter your comment!
Please enter your name here