Home Notisia 20 Maiu, Juventude Laclubar Hasa’e Bandeira Iha Foho Istóriku Li’am-Bau

20 Maiu, Juventude Laclubar Hasa’e Bandeira Iha Foho Istóriku Li’am-Bau

511
0
Juventude Laclubar Hasa’e Bandeira Iha foho istóriku Li’am-Bau. [Foto: Adroaldo | 21.05.2021]

Reportajen Adroaldo ‘Saretukau’

Maske Estadu Timor-Leste kansela serimónia ba selebrasaun loron Restarausaun Independénsia ba dala-19, hodi evita labele halibur ema barak, nune’e la hada’et virus SARS-CoV-2 ne’ebé oras ne’e da-dauk rejista aas iha Timor-Leste, maiibé Juventude Laclubar oan 20 resin ho inisiativa rasik selebra loron importante refere, liu hosi aktividade Long March ba foho istóriku Li’am-Bau, hanesan mos foho ne’ebé ho altitude aas liu iha Postu Administrativu Lacluabar, hodi hala’o serimónia isar bandeira Repúblika Demokrárika Timor-Leste (RDTL).

Iha dadersan rai sei nakukun juventude Laclubar oan hahú halo marsa hosi Postu Laclubar Vila hodi sa’e ba foho Li’am-Bau tutun ho Bandeira RDTL, hodi hakilar Viva Timor-Leste, Viva Povu Maubere, Viva juventude Laclubar no Viva juventude Loriku Aswa’in. Maske kosar, sente kole, maibé sira nafatin ho espritu boot hodi marsa to’o iha pontu altitude, hodi harii bandeira RDTL iha loron istóriku ida ne’e.

Hafoin sira nia prezensa iha foho leten, serimónia simplis mak sira harii Bandeira RDTL, kontinénsia ba Bandeira RDTL hodi hananu Inu Nasional Pátria Pátria no diriji minutu ida hakmatek hosi lian na’in Suku Manelima, hodi hanoik hikas Eroi sira ne’ebé mate fakar ran no lekar ruin iha rai ida ne’e, nune’e povu maubere hetan ukun rasik-an.

Iha aktividade Long March hodi selebra loron istóriku ida ne’e, juventude Laclubar oan Jequino G. V. Soares hateten, sira nia marsa ida ne’e mak atu selebra loron istóriku Restaurasaun Independénsia, maske la iha serimónia formal ,maibé nu’udar joven nia orgullu nafatin hodi selebra.

“Nu’udar juventude no Timor oan sente orgullu tebes bainhira selebra loron istóriku ida ne’e, tanba sai nu’udar loron ida importante teb-tebes ba ema hotu, liu-liu ba ema Timor oan. Nu’udar Timor oan, dignifika no valorize nafatin ita nia eroi sira hotu ne’ebé mak lakon vida hodi fó aan ba ita nia ikun rasik aan, to’o ohin loron ita hetan ita nia liberdade ida ne’e”, hateten Jequino, 20/05.

Juventude ne’e dehan nu’udar juventude tenki dedika-an ho voluntariamente, hodi selebra loron ida ne’e tanba durante ita nia inimigu okupa ita iha tinan naruk, eroi barak mak sakrifika sira nia-an ho espíritu voluntariamente nune’e ohin loron ita hetan liberdade.

Joven ne’e hato’o ni-nia esperansa ba nasaun doben ida ne’e, liu hosi Timor-Leste nia aniversáriu Restaurasaun Independénsia ba dala-19. Nia espera sei hasai hotu povu doben ida ne’e hosi kiak no mukit nia laran, atu ema hotu bele sente ukun rasik-an ida ne’e.

“Nu’udar juventude iha esperansa ne’ebé boot tebes katak Timor-Leste ba oin sei sai di’ak liu, furak liu tan no sei halo ema barak mak hakarak vizita ita nia rai doben Timor-Leste ida ne’e. Espera ba oin dezenvolvimentu iha Timor-Leste sei la’o di’ak liu tan no sei fó moris di’ak ba povu doben Timor-Leste”, hateten Jequino.

Iha fatin hanesan juventude Laclubar oan, Joanino José Manuel hato’o nia esperansa ba iha loron aniversáriu Timor nia ba dala-19, mak atu lori Timor ba mundu, tanba eroi sira ne’ebé mate iha luta ida ne’e hanesan lilin ne’ebé mohu maibé bele fó naroman ba ita ohin loron.

“Nu’uda joven ida ha’u iha esperansa ba aban bairua mak tane-aas unidade hodi lori Timor ba mundu. Tanba uluk ita nia eroi sira fó aan ba mate hodi manan rai doben ida ne’e. Sira hanesan lilin ne’ebé mohu maibé bele fo roman ba ita hotu. Hanesan eroi sira mate hodi fo roman ba ita. Agora ita nia tempu, mai ita luta hamutuk hodi tane aas Timor, lori hatudu ba mundu katak ita mos bele. Hodi hatudu ba ita nia eroi sira katak ita valoriza duni sira nia luta”, dehan Joanino.

Juventude ne’e hato’o nia sentimentu ksolok ba selebrasaun loron important ida ne’e, tanba bele relembra hikas sira nia luta, maibé nia mos sente triste ho kanselamentu serimónia selebrasaun aniversáriu Restaurasaun Independénsia ba dala-19 tanba impaktu hosi COVID-19.

Iha dadersan rai sei nakukun juventude Laclubar oan hahú halo marsa hosi Postu Laclubar Vila hodi sa’e ba foho Li’am-Bau tutun ho Bandeira RDTL, hodi hakilar Viva Timor-Leste, Viva Povu Maubere, Viva juventude Laclubar no Viva juventude Loriku Aswa’in. Maske kosar, sente kole, maibé sira nafatin ho espritu boot hodi marsa to’o iha pontu altitude, hodi harii bandeira RDTL iha loron istóriku ida ne’e.

Hafoin sira nia prezensa iha foho leten, serimónia simplis mak sira harii Bandeira RDTL, kontinénsia ba Bandeira RDTL hodi hananu Inu Nasional Pátria Pátria no diriji minutu ida hakmatek hosi lian na’in Suku Manelima, hodi hanoik hikas Eroi sira ne’ebé mate fakar ran no lekar ruin iha rai ida ne’e, nune’e povu maubere hetan ukun rasik-an.

Iha aktividade Long March hodi selebra loron istóriku ida ne’e, juventude Laclubar oan Jequino G. V. Soares hateten, sira nia marsa ida ne’e mak atu selebra loron istóriku Restaurasaun Independénsia, maske la iha serimónia formal ,maibé nu’udar joven nia orgullu nafatin hodi selebra.

“Nu’udar juventude no Timor oan sente orgullu tebes bainhira selebra loron istóriku ida ne’e, tanba sai nu’udar loron ida importante teb-tebes ba ema hotu, liu-liu ba ema Timor oan. Nu’udar Timor oan, dignifika no valorize nafatin ita nia eroi sira hotu ne’ebé mak lakon vida hodi fó aan ba ita nia ikun rasik aan, to’o ohin loron ita hetan ita nia liberdade ida ne’e”, hateten Jequino, 20/05.

Juventude ne’e dehan nu’udar juventude tenki dedika-an ho voluntariamente, hodi selebra loron ida ne’e tanba durante ita nia inimigu okupa ita iha tinan naruk, eroi barak mak sakrifika sira nia-an ho espíritu voluntariamente nune’e ohin loron ita hetan liberdade.

Joven ne’e hato’o ni-nia esperansa ba nasaun doben ida ne’e, liu hosi Timor-Leste nia aniversáriu Restaurasaun Independénsia ba dala-19. Nia espera sei hasai hotu povu doben ida ne’e hosi kiak no mukit nia laran, atu ema hotu bele sente ukun rasik-an ida ne’e.

“Nu’udar juventude iha esperansa ne’ebé boot tebes katak Timor-Leste ba oin sei sai di’ak liu, furak liu tan no sei halo ema barak mak hakarak vizita ita nia rai doben Timor-Leste ida ne’e. Espera ba oin dezenvolvimentu iha Timor-Leste sei la’o di’ak liu tan no sei fó moris di’ak ba povu doben Timor-Leste”, hateten Jequino.

Iha fatin hanesan juventude Laclubar oan, Joanino José Manuel hato’o nia esperansa ba iha loron aniversáriu Timor nia ba dala-19, mak atu lori Timor ba mundu, tanba eroi sira ne’ebé mate iha luta ida ne’e hanesan lilin ne’ebé mohu maibé bele fó naroman ba ita ohin loron.

“Nu’uda joven ida ha’u iha esperansa ba aban bairua mak tane-aas unidade hodi lori Timor ba mundu. Tanba uluk ita nia eroi sira fó aan ba mate hodi manan rai doben ida ne’e. Sira hanesan lilin ne’ebé mohu maibé bele fo roman ba ita hotu. Hanesan eroi sira mate hodi fo roman ba ita. Agora ita nia tempu, mai ita luta hamutuk hodi tane aas Timor, lori hatudu ba mundu katak ita mos bele. Hodi hatudu ba ita nia eroi sira katak ita valoriza duni sira nia luta”, dehan Joanino.

Juventude ne’e hato’o nia sentimentu ksolok ba selebrasaun loron important ida ne’e, tanba bele relembra hikas sira nia luta, maibé nia mos sente triste ho kanselamentu serimónia selebrasaun aniversáriu Restaurasaun Independénsia ba dala-19 tanba impaktu hosi COVID-19.

Print Friendly, PDF & Email

LEAVE A REPLY

Please enter your comment!
Please enter your name here