Home EduTek Loron Proklamasaun, CNC & MEJD Organiza Certame Nasional Ba Melhor Eskola Municipiu...

Loron Proklamasaun, CNC & MEJD Organiza Certame Nasional Ba Melhor Eskola Municipiu 8

260
0
CNC ho MEJD organiza certame nasional. [Foto: Francisco JDA | 26.11.2020]

Reportazen Francisco JDA

Centro Nasional Chega! (CNC) ho Ministeriu Edukasaun Juventude no Desportu (MEJD) organiza kompetisaun certame nasional iha ámbitu selebrasaun tinan 45 proklamasaun independénsia ho tema “Promove Espíritu Nasionalismo no Patriotismu Foinsa’e Hodi Kontribui ba Dezenvolvimentu Nasional”.

Ministru Edukasaun Juventude no Desportu, Armindo Maia iha intervensaun hatete, bainhira la iha istoria, la iha identidade. Atu kadi kakutak no aumenta konnesimentu kona ba istoria nasaun no povu, maibé laos atu hatene deit maibé atu valoriza ba sira nia luta, sakrifisiu, fakar ran no vida ba ukun rasik an.

“Oinsa mak bele kuda espíritu nasiomnalismu ho patriotismu iha ita an rasik, atu ita hotu bele partisipa no kontribu ba dezenvolvimentu nasional, oinsá mak atu hamosu nasaun ida ne’ebe iha demokrasia, iha liberdade no la iha violénsia. Prosesu ne’ebe avo beila sira liu ba ne’e, prosesu violentu tebes tuir istoria no dadus katak timoroan mate liu rihun atus rua”, hateten Ministro Armindo Maia iha salaun TVe, Comoro 26/11

Ministru Armindo Maia dehan certame ne’e importante tebes, oinsa mak atu kuda valores no habelar konnesimentu maibé importante liu mak atu kuda valores nasionalizmu no patriotismu iha kakutak.

Iha Fatin hanesan Diretor Executivu, Hugo Maria Fernandes iha diskursu hateten, agradese tebes ba Ministériu Edukasaun tanba ho kooperasaun ne’ebe halo hahú iha 2018 iha avansu no progresu diak tebes. Avaliasaun ba kurríkulu ensinu halo certame ida ne’e iha tinan kotuk hahú kedas faze eleminatoriu municipiu mai melhores hosi municipiu mak mai kompete iha Dili.

“Tinan ida ne’e tanba situasaun dotasaun orsamentu no COVID-19, ita so bele hili eskola ne’ebe melhor tuir kritéria MEJD, hili para selesiona eskola ida hosi municipiu ida nune’e bele tuir kompetisaun nivel nasional nian, ami dezeijo kooperasaun ida ne’e sei kontinua ho mos atividade sira ne’ebe mak ita sei bele halo hamutuk”, hateten Hugo Fernandes

Nia dehan katak ho lideransa Ministru MEJD nian,  fiar katak edukasaun laos deit iha aula laran maibé hosi eventu sira hanesan ne’e, bele sai mos dalan ida ba estudante sira bele aprende ho kontente no sukat mos sira nia abilidade no matenek ho eskola seluk.

Eventu certame ne’e sei halao durante loron rua nia laran, hahú 26 too 27. Matéria sira ne’ebe estudante prepara ba certame nasional mak konaba istoria pasadu no estudante sira mai hosi Municipiu 8 mak Liquisaa, Ermera, Lautem, Viqueque, Baucau, Covalima, Aileu no Dili

Print Friendly, PDF & Email

LEAVE A REPLY

Please enter your comment!
Please enter your name here