Home Notisia MSSI Asina Akordu Ho ISS Hamutuk 28 Apoiu Protesaun Sosial Ho Montante...

MSSI Asina Akordu Ho ISS Hamutuk 28 Apoiu Protesaun Sosial Ho Montante $1.3 Miloens

438
0
MSSI hamtuk ho ISS 28 asina akordu. [Foto: Francisco JDA | 26.11.2020]

Reportazen Santina Lucia da Costa

Ministeriu Solidariedade Sosial no Inkluzaun (MSSI) asina akordu ho Instituisaun Solidariedade Sosial hamutuk 28, hodi fo apoiu iha area protesaun sosial ba sira ne’ebe sai vitima hosi violensia domestika, ema ho difisiensia, uma maho, orfanatu no seluktan.

Ba jornalista sira Vice Primeira Ministra no Ministra Solidariedade Sosial no Inkluzaun (VPM-MSSI), Armanda Berta hateten objetivu husi asina akordu  ne’e atu bele apoiu ba ita nia ema sira hanesan uma mahon sira. Nia dehan ne’e laos primeira vez halo ida ne’e maibe iha tinan 2019 mos halo hela, fo ajuda ba sira liuhusi Orsamentu jeral Estadu (OJE), halo akordu ida ho sira para implementa programa Ministeriu Solidariedade Sosial Inkluzaun (MSSI) nian.

Ministra Armanda relata katak alokasaun orsamentu ba instituisaun sira ne’e diferente. Total orsamentu hamutuk $1.3 milloens mak asina hamutuk ho instituisaun sira.  

“Programa ne’e ba tinan ida nian, durante ne’e lao ho orsamentu duodesimu mais ita apoiu hela, ita haree OJE foin mak aprova, entaun ita mos haree fila-fali apoiu ba sira liu husi orsamentu ida ne’e. kada tinan-tinan sempre apoiu ba instituisaun sira ne’e”, hateten, Armanda Berta iha salaun MSSI-Kaikoli, 26/11.

Nia  dehan asina akordu refere to’o fulan Dezembru 2020 mak remata. Tinan oin haree fila-fali governu ho nia parseiru sira. Governu labele kobre buat hotu-hotu para haree, liuliu atendimentu ba ita nia ema vitima sira, uma mahon sira no centro sira ne’e serbisu hamutuk ho governu liu husi MSSI para apoiu ba sira, bele haree atendimentu ba asuntu sosiais sira nian.

Iha fatin hanesan Diretor jeral Ministru Solidariedade Sosial no Inkluzaun (MSSI), Rui Exposto reforsa katak Ministru Solidariedade Sosial no Inkluzaun (MSSI) iha sira nia papel ne’e, atu haree liu ba iha protesaun social hanesan vitima violensia domestika, violensia bazeia ba jeneru no haree mos ba protesaun labarik iha orfonatu sira, promosaun no protesaun ba direitu ema ho difisiente sira.

Entretantu Diretor Ezekutivu Asosiasaun Halibur Difisiente Matan Timor-Leste (AHDMTL), Gaspar Afonso akresenta durante ne’e sira hala’o sira nia atividade ho orsamentu duodesimu no atividade lubuk ida mak sira la konsege implementa.

“Ami lao hela ho orsamentu duodesimu ida ne’e kompleta de’it ona tinan 2020, atividade lubuk ida mak la konsege implementa, tanba ita lao ho duodesimu, fulan rua ne’e ami atividade mak ba vizita ami nia kliente sira no aproxima sira atu lori sira mai tuir treinamentu no mos hakbesik an ba sira, ne’ebe mak hetan problema hanesan ami nia maluk feto difisiensia matan ne’ebe hetan violensia. Ami atu husu sira aproxima sira oinsa sira iha korajen levanta kazu ne’e ba dalan legal”, hateten Diretor Ezekutivu AHDMTL, Gaspar Afonso.

Print Friendly, PDF & Email

LEAVE A REPLY

Please enter your comment!
Please enter your name here