Reportajen Juvinal Cabral
Timor-Leste sai uma nain ba jogo Comunidade dos Pais da Lingua Portuguesa(CPLP), orsamentu hamutuk millaun $3.7 ne’ebe konsellu ministru aprova entrega ba iha ministeriu juventude desportu jestaun no jere ba atividade desportu jogo CPLP.
“Iha loron rua liu ba Ministeriu Juventude Desportu Arte no Kultura (MJDAK) inklui ita nia federasaun sira, ita instala ona sekretariadu iha Centro de Convencoens de Dili (CCD) ita ense ona ita nia reprezentante sira husi federasaun inklui husi ministeiru no sei hein tan tekniku sira husi Comunidade dos Pais da Lingua Portuguesa(CPLP), sei fo nia reprezentante mai iha ne’e” dehan Xefe Gabinete MJDAK, Egas Barros iha salaun enkontru ema ho defisiensia, kampu basket MJDAK 17/03.
Gabinete MJDAK ne’e salienta nia parte preparasaun la iha problema foin dadauk mos iha tan enkontru ida CCDK ho desizaun tomak para atu apoiu jogo ida ne’e lao, tanba jogo ida ne’e laos nasional maibe jogo internasional primeiraves Timor-Leste sai uma nain, depois papa vizita mai Timor-Leste.
“Segundu faze ida teste boot ba Timoroan sira hotu inklui ita boot sira jornalista para hanesan Timoroan sai uma nain ba jogo internasional ida, ne’ebe ke preparasaun husi ita nia Ministeriu Juventude Desportu Arte no Kultura rasik inklui ita nia sekretariu estadu ba koordenador eventu jogo CPLP nian.
Gabinete MJDAK hateten orsamentu ba preparasaun jogo CPLP hamutuk millaun $3.7 ne’ebe konsellu ministru aprova entrega ba iha ministeriu juventude desportu jestaun no jere ba atividade desportu jogu CPLP nian.
“Orsamentu ne’e ita sei halo ezersisiu balun dalaruma keta la uja karik no balun uja hanesan ministru esplika ona katak iha enkontru ministru orsamentu ne’e rigirozu los ita tenke tau haree didiak kuidadu orsamentu mak emgeralmente millaun $3.7, mais ita espera tuir ministru nia hanoin katak ita sei la gasta hotu, item balun ne’ebe presiza item balun ne’ebe ita bele hasai mos ita sei la gasta.”
Gabinete MJDAK hateten atleta por volta 500 resin atu mai, husi modalidade 8 inklui mos sira nia ofisial sira kalkula sira bele hamutuk 700 ka 800 nune’e no inklui mos ministru sira atu mai ho nia protokolo sira bele dehan 1000 e tall mak mai.
“Ita nia preparasaun akomodasaun hotel sira la iha problema, agora ekipa teknika sira mai husi CPLP orgullu los ho ita nia preparasaun, sira halo komparasaun jogu CPLP uluk ho agora ita nia diak liu. Tanba ita nia kondisaun hotel sira tama hotu kriteira, husi sira nia observasaun dehan preparasaun seidauk iha problema”
