Home Notisia SEPS ho Plan Halo Planu Estratejiku Foka ba Direitu Labarik ho Diversidade

SEPS ho Plan Halo Planu Estratejiku Foka ba Direitu Labarik ho Diversidade

406
0
SEPS ho Plan Internasional. [Foto: Santina Lucia da Costa | 27.11.2020]

Reportazen Santina Lucia da Costa

Sekretariu Estadu Protesaun Civil, liuhusi Diresaun Nasional Prevensaun Konflitu Komunitaria (DNPKK) ho Plan Internasional Timor-Leste (PITL)  realiza workshop ho tema “Defini atividade Estratejiku ba Implentasaun Programa iha MoU”.  Planu estratejiku ne’e ba tinan tolu, ne’ebe sei foka uluk ba Munisipiu Dili, Aileu no Ainaro.

Ba jornalista sira Sekretariu Estadu Protesaun Sivil (SEPS), Joaquim Jose Gusmão hateten workshop ne’e hamutuk ho parseiru Plan Internasional, hodi bele komesa diskute ona  planu estratejia ba iha tinan tolu ba oin, ne’ebe mak sei foka liu ba iha Munisipiu Dili, Ainaro ho Aileu,  reforsa Diresaun Nasional Prevensaun Komunitaria hamutuk ho Plan Internasional liuliu foku liu ba labarik ho labarik feto sira.

Sekretariu Estadu, Joaquim Jose Gusmão hatutan programa ne’e mos inklui hotu ema ho difisiensia, tanba ne’e mak ita nia serbisu ba ohin workshop ne’e koalia mos kona-ba labarik feto difisiensia sira.

“Governu parseria ho Plan Internasional tanba governu ninia kapasidade orsamentu mos limitadu, tanba ne’e mak hanesan governu liuliu Ministeriu Interior no SEPS agora dadaun agresivamente ita hala’o post ba ita nia parseriu sira, para bele kompleta ita nia programa”, dehan  Joaquim Jose Gusmão ba jornalista sira iha Salaun City 8 Manleu, 27/11.

Iha fatin hanesan Country Director Plan Internasional Timor-Leste (PITL), Dillyana Ximenes dehan Plan Internasional organizasaun ne’ebe foka ba realizasaun diretus labarik no igualdade ba labarik feto, labarik ho diversidade.

Nia dehan serbisu hamutuk ho Sekretariu Estadu Protesaun Sivil (SEPS) no implementa hamutuk ho Diresaun Nasional Prevensaun Konflitu Komunitaria, alvo ida ne’e para atu kria ambiente ida ne’ebe mak paz, hakmatek no seguru ba prosesu ba dezenvolvimentu labarik sira no labarik feto sira ho diversidade no difisiensia.

“Halo iha Munisipiu tolu ne’e, Munisipiu ne’ebe mak Plan iha alvo ba, se ita hanoin rekursu limitadu hakarak halo hotu-hotu dalaruma ita sei la atinji buat boot, entaun ita koko tiha lai iha Munisipiu tolu, nia di’ak no aat ne’e iha ne’ebe, sei iha tinan tuir mai ba mos Munisipiu seluk”, hateten Dillyana Ximenes.

Nia subliña katak prevensaun konflitu, solusaun rezolve konflitu iha komunitaria, ita sei haree konflitu ne’e mai ho nia  baze saida. Ita dehan konflitu baibain hetan iha labarik feto-mane sira.

Planu Estratejiku ne’e to’o fulan Jullu 2021, Plan iha orsamentu montante $10 mill, para hodi bele hala’o programa ida ne’e.

Print Friendly, PDF & Email

LEAVE A REPLY

Please enter your comment!
Please enter your name here