Home Notisia Forum KDA’I: Reflesaun Envolvimentu Feto Iha Polítika no Lideransa Hafoin Tinan 20...

Forum KDA’I: Reflesaun Envolvimentu Feto Iha Polítika no Lideransa Hafoin Tinan 20 Independénsia

200
0
Kdadalak nia seminariu. [Foto: DOk Kdadalak | 18.03.2022]

Reportajen Adroaldo ‘Saretukau’

Institutu Kdadalak ba Polítika Públiku (KDA’I) organiza forum KDA’I konabá reflesaun depois de independénsia tinan 20 atinjimentu no dezafiu sira ba “Partisipasaun Feto iha Polítika no Lideransa”, ne’ebé hala’o Kinta ne’e (17/03) iha City 8, Manleuana, Díli, no partisipa hosi entidade governu, Iideransa partidu polítiku, akademia, organizasaun sosiedade sivíl, juventude, seitor privadu no parseiru dezenvolvimentu iha Timor-Leste. 

Objetivu hosi forum ida ne’e mak sei fo espasu ba lider feto sira atu fahe sira nia perspetiva iha dizafiu, susesu no lisaun aprendizajem nomos oportunidade sira ne’ebé feto Timor-Leste sira enfrenta iha pos-dependénsia, no oinsá impaktu ba iha eleisaun nasional.

Iha karta komunikadu ne’ebé Neon Metin asesu hatete, hanesan agora da-dauk nasaun tama ona iha aktividade kampaña ba eleisaun presidensial, KDA’I aproveita oportunidade atu refleta ba feto nia partisipasaun no involvimentu iha politika no lideransa iha Timor-Leste, partikularmente depois de tinan 20 independénsia.

Iha ne’e importante atu nota mak husi kandidatu na’in 16 ne’ebé iha, na’in haat mak kandidata feto. Hanesan ami mos selebra Ioron internasional feto iha fulan ida ne’e (8 de Marsu) ida ne’e oportunidade di’ak atu rona reflesaun no perspetiva husi liderasa feto sira nian iha vida Polítika, sosiedade sivíl, akademia no setor privadu sira.

Espetativa hosi forum ne’e mak sei promove no haforsa partisipasaun feto iha vida polítika no Iideransa iha Timor-Leste Iiu husi fahe hanoin sira husi perspetiva diferente Iiu-hosi paneIista feto sira ne’ebé representa setor oi-oin, aprezentador sira sai hanesan modelu di’ak ba feto foinsa’e sira atu sai líder no involve aan iha polítika.

Alein de ne’e, mensajem inkluzaun sosial, dizafiu Iideransa feto no oportunidade atu dezenvolve ba oin di’ak Iiu tan, bele dizimina ona ba partisipante sira, no partisipante sira informadu ona no iha kompriensaun báziku husi fator no elementu importante sira ne’ebé kontribui ba susesu, dizafiu no prontu atu kontinua ba oin.

Panelista no orador sira ba forum ne’e mak mai hosi Iideransa feto potensial sira husi partidu polítiku, akademia, organizasaun sosiedade sivíl no setor privadu.

Forum ne’e organiza hosi Institutu Kdadalak ba Polítika Públiku (KDA’I) ne’ebé hetan apoiu finanseiru hosi The Asia Foundation (TAF).

Institutu Kdadalak ba Polítika Públiku / Kdadalak Institute for Public Policy (KDA’I) hanesan asosiasaun non-lukrativu independente no legitimidade husi grupu ativista, polítika na’in, birokrasia, emprezáriu no akademia sira ne’ebé involve ona iha prosesu halo polítika ho komitmentu no promove prosesu dezenvolvimentu polítika bazeia ba evidénsia.

KDA’I estabelese atu inisia diskusaun públiku konabá polítika atual sosial no situasaun ekonomia iha rai Iaran no hametin lian sosiedade sivíl iha implementasaun kompleitu ba polítika pablika sira.

Print Friendly, PDF & Email

LEAVE A REPLY

Please enter your comment!
Please enter your name here