Reportajen Umbelina dos Reis
Project menager Arcoiris, Arnaldo Fernandes hateten, objetivu hosi formasaun ida-ne’e nia atividade prinsipal mak oinsá empodera media ka jornalista sira atu kobertura ba liga ho asuntu direitu umanus nian. Tanba ita nia estadu ratifika ona konvensoens ida oinsá atu garante ba igualdade inkluzaun sosial iha sosiedade Timor-Leste. Entaun oinsá media parte importante oinsa atu eduka sosiedade relasiona ho problema sosial liga ho asuntu diversidade ema ho defisiénsia (EhD), labarik inklui feto sira.
” ita haree iha publiku dala-barak notisia priming no type ka forte loos ho entaun Arcoiris Timor-Leste hola papel eduka no kapasita media no jornalista sira oinsá atu komprende no hakerek notisia konaba kontein prinsipiu direitu umanus, nune’e media bele fahe informasaun ligadu ba asuntu diversidade ne’ebe sensivel iha sosiedade.” Dehan project menager Arcoiris, Arnaldo Fernandes, ba Jornalista sira iha salaun Alfela, Vila-verde, kinta-feira, 30/04.
Nia dehan, Infelizmente atividade ne’e realiza tanba hetan apoiu husi Apoiu hosi Outright International ne’e hanesan organizasaun rejionál ne’ebe foku ba asuntu LGBTQI+ nian.
Iha fatin hanesan, Estajiada Universidade Nasionál Timor lorosa’e (UNTL ), iha media Timor Post, Cejinha Fernandes da Costa, ne’ebe partisipa formasaun refere ne’e hateten, Primeiru agradese ba media Timor Post tanba fo oportunidade ba sira tuir formasaun konaba atividade ka formasau Arcoiris Timor-Leste nian.
” Durante loron rua ne’e ami tuir formasaun aprende konaba asuntu direitu umanus no sogi nian. Tanba durante ne’e ami laiha koñesimentu konaba asuntu direitu umanus nian maibé bainhira hau tuir formasaun ne’e hau komprende oituan konaba asuntu diversidade no oinsa atu hakerek notisia ligadu ba asuntu ema ho defisiénsia no komunidade LGBTQI+ sira.” Nia dehan.
Nia informa, ba parte Arcoiris no Codiva sira katak formasaun sira hanesan ne’e labele too iha ne’e deit, maibe kontinua fahe formasaun sira hanesan ne’e eleva no kapasita jornalista sira nia koñesimentu klean konaba asuntu direitu umanus no diversidade iha sosiedade nia laran.
Iha fatin hanesan, jornalista hosi radio liberdade, Arlindo Rui Nunes hateten, Relasiona ho formasaun ne’ebe sira tuir durante loron rua ne’e sira aprende konaba asuntu ka programa rua primeiru Sogiesc no direitu umanus. Sogiesc ne’e oinsá media ba kobertura karik bele komprende ona konaba oinsá atu apar ho komunidade LGBTQI+ nia identidade. Segundu sira aprende konaba asuntu direitu umanus.
” Durante loron rua ami aprende konaba oinsá atu halo kobertura ba asuntu direitu umanus, komunidade LGBTQI+ no ema feto vulneravel sira nia moris. Hanesan jornalista bainhira halo kobertura tenki respeita ema nia privansidade no bainhira hakerek artigu ruma atu publika iha media karik tenki halo verifika klean asuntu refere.” Nia dehan.
Partisipante ne’ebe tuir formasaun refere hamutuk ema nain sanulu resin lima (15), no formasaun refere durante loron rua.
