Reportazen Zevonia Vieira
Ministeri Saude (MS) deteta tan kazu foun konfirmadu COVID-19 hosi loron 4-5 Abril nian hamutuk 52. Liu hosi komunikadu imprensa ne’eve Centro Integradu Jestaun Krizi (CIJK) distribui ba media relata katak evolusaun surtu COVID-19 iha municipio Dili hosi loron 4 – 5 Abril deteta kaz foun 52, nune’e, kazu detetadu ka pozitivu iha munisipiu Dili husi loron 7 Marsu 2021 to’o 5 Abril 2021, hamutuk 615.
Ho baze ba informasaun ne’ebé ekipa konjunta saúde nian rekolle, sei halo revizaun ba lista foku/cluster kazu pozitivu iha Dili, no sei publika iha loron hirak tuir mai.
CIJK mos informa katak husi kazu foun 52 ne’e, iha mós kazu 1 husi Ataúro, kazu ida ne’e kontaktu-besik ho sira husi Ataúro ne’ebé anunsía ona loron hirak liu bá.
Nune’e dadus jeral hosi loron 4-5 Abril hamutuk 52, rekuperadu hosi loron 4-5 Abril total 27, kazu ativloron 5 Abril hamutuk 472. Husi total kazu foun ohin mane 31, feto 21, Sintomátiku nain 2 no Asintomátiku nain 50.
Iha loron 3, 4 no 5 Abril, maski LNS hetan efeitu husi inundasaun, kontinua funsiona nafatin, no hamutuk hotu halo 688 testes PCR, inklui 279 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili.
