Reportajen Francisco Colo
Lian husi juventude sira husu ba kandidatu eleitu Presidente foun mai tenke tau importánsia máximo liuliu juventude sira ne’ebé dezempregu, no kria kampu traballu ba juventude liuliu iha rai laran, no mós promove joven sira nia kriatividade hodi partisipa iha dezenvolvimentu nasionál inklui hametin pás no estabilidade.
Zekafriadu Afulit Coa nu’udar juventude husi munisípiu Oe-cusse Pante Makassar espresa nia esperansa kandidatu Presidente sira sekarik eleitu mak tenke iha Unidade Nasional hakuak metin povu no sei laiha tan hamosu tan impase polítika iha rai doben ida ne’e.
“Hanesan Juventude no jerasaun ba rai ida ne’e, iha esperansa bo’ot ba lideransa Prezidente Eeeitu ne’ebe sei mai, espera Prezidente eleitu sai símbolu ba Unidade Nasional, hodi hakuat metin Povu Doben Timor Leste, hatudu nia imparsialidade no Maturidade hanesan ema númeru 1 iha Timor Leste. Segundu iha esperansa boot katak, sei hakotu impase polítika ne’ebe mak akontese iha ita nia Rai laran, afeta negativamente ba Estudante, juventude no Povu tomak iha Terotiriu nasional. Terseiru iha Esperansa boot, katak sei la hamosu tan, impase Politika no sei servi Povu Doben Timor Leste ho Responsabilidade tuir KDRTL haruka.” Dehan afulit joventude husi RAEOA.
Zeka mós husu ba Presidente foun sei mai tenke loke kampu traballu ba joven sira no promove sira nia kriatividade ba hodi bele partisipa iha desenvolvimentu nasionál ba rai ida ne’e. “husu ba Prezidente Eleitu atu promove dialogu, ho Chefe Governu hodi halo (Loke) kampu trabalho ba foinsa’e sira, hodi nune’e jerasaun kontinuador bele partisipa emidiata iha prosesu dezenvolvimentu Nasional no promove kreatividade foinsa’e sira, iha nivel nasional no internasional. Hau nia mensagem ba Prezidente Eleitu, Promove dialogu ho, Chefe Governu, Sosiedade sivil no Joventude sira, no iha konseitu ba RDTL.” Tenik zekafriadu Afulit coa.
“Hau espera eleitus bele senti integra ba povu nia moris no servisu hamutuk ho setores hotu atu sustentabilidade tenki justu ba ema hotu. Valoriza noResponsabilidade Dignifica no sai motivador ba juventude hotu atu labele senti katak Nasau TL laiha Domin no konsiderasaun maibe oinsa atu hakbesik no nafatin sai giaun ba juventude hotu.” Tenik Joanita Antonita pinto nu’udar joventude feto husi munispiu lospalos postu administratvu Iliomar.
Joanita mós hatutan liu tan ba PR foun mak tenki hakuak povu hotu la haree ba nia kor i rasa Presidente labele halo separasaun maibé iha tratamentu ne’ebé hanesan ba povu hotu presidente ne’ebé ba ema hotu laos ema ida Hakbiit no haforsa lian foinsae no marjinalizadu sira harii paz no estabilidade hahu husi karakter humilde no tenki simpatia ba ema hotu nia moris.
Entretantu juventude elias da costa husi munisipiu maliana haktuir tan eleitu president foun nia laiha duvida ho abilidade tanba sira iha ona esperensia b aba ukun
“Hau Nia esperansa ba kandidatu Prezidente Republika periodu 2022-2027 katak ba kandidatu hirak neebe dadaun nee iha Hela prosesu kampana nian laran, maka ba Hau la iha dúvida ho sira nia konesimentu ka abilidade tanba kandidatu hirak maioria hola parte ona hanesan Prezidente da República, membru Governu no iha ona esperiensia natoon atu Bele serví rai ida ne’e sai dezenvolvidu.” Deklara joventude milenial Elias da costa husi munisipiu Maliana,postu Cailaco.
Nia mós husu ba eleitu Presidente foun mai ne’e, atu bele kaderniza juventude sira liuhusi fo oportunidade ba sira atu hola parte iha denvolvimentu nasaun Nian. Tanba dalabarak juventude sai deit instrumentu ba ukun nain sira iha prosesu kampana m maibé depois hetan posizaun sira halo finze sé mak joventude? juventude mak ajente transformador mak tenki valoriza nune’e hodi kria unidade iha ita nia nasaun. No juventude sai xave ba dezenvolvimentu nasaun.
Iha fatin hanesan JoãoTeme nu’udar mós joventude ida nakonu ho esperansa boot ba kandidatu presidente foun nia informa
“Ha’u nu’udar jovem ida sente orgulho tebes e nakonu ho esperança ne’ebé boot tebes ba candidato presidente foun nebe mak sei mai iha tempo badak, ne’ebé ita sei realiza eleição presidencial ba período 2022-2027 ne’ebé mak sei akontese iha território timor laran tomak iha dia 19 de março de 2022 e ha’u nafatin esperança ba novos candidatos presidentes sira tamba liu husi sira candidato mak foin hetan resultado desenvolvimento nação nian.” reafirma teme nu’udar joventude husi munisipiu oe-cusse, postu administrative Pasabe.
Nia hatutan Nu’udar jovem hakarak husu ba kandidatos presidete foun ba período 2022-2027 krik ida ne’ebé mak hetan votus maioria e hetan fiar husi povo hodi ukun, tenki kria kampu de trabalho ba jovem sira, kria indústria ba jovem sira ne’ebe mak iha kriativu hodi aumenta sira habilidade nee’ebé mak iha no tenki tau prioridade ba jovem sira tmba jovem mak abut ba rai doben ida ne’e no kria Campo de trabalho para jovem sira acesso ba emprego e hamenus desempenho iha rai ne’e. reafirma teme nu’udar joventude husi munisipiu oe-cusse, postu administrative Pasabe.
Iha fatin hanesan Joventude Elda de Jesus afirma Nu’udar jovem ida iha esperansa katak, eleitu ba presidente agora, sei halo dezenvolvimentu ne’ebe diak liu tan iha futuru, no fiar katak sira sei sai mos matan no tilun ba lian laek sira iha area rural sira.
“Nu’udar jovem ida hakarak sujere ba kandidatus presidendial sira katak, se se de’it maka manan iha eleisaun agora labele tur iha fatin ne’ebe ac malirin, kaderira ne’ebé mamar, maibé tenki lao, lao iha povu nia let hodi hatene diak liu ba sira nia susar no terus, tamba dala barak ona iha kanmpnha nia laran mak ita bo’ot sira tun ba baze to’o imi menan ona, imi la hatene ida ne’e se? Nia atu ba ne’ebe Nia hela iha ne’ebe, no tamba nia sai hanesan ne’e” reafirma elda de jesus nu’udar joventude laklubar postu laklubar munisispiu manatuto.
Iha sorin seluk Paulo da silva lopes nu’udar mós joventude husi munisipiu Viqueque, postu administrativu Uatulari. Nia akresenta Hanesan joventude esperansa boot ba ita-nia kandidatu prezidente periudu ida ne’e, hanesan joventude ami liu ba ita-nia prezidente sira ne’ebé maka neon boot iha vontade boot organiza ita-nia nasaun ida ne’e hametin dame ida ne’e loke opotunidade ba joven sira, oinsa joven sira hametin paz no dame iha nasaun ida nia laran.
“Hanesan joventude iha esperansa boot hodi fó hanoin ba, hato’o mensajen ba ita-nia presizedente katak ukun ida ne’ebé periudu ida ne’e. karik ida ne’ebé eleitu hetan eleitu ba prizedinte ami sujere ukun ida ne’ebé saúdavel atu nune’e ami-nia maluk joventude moris ho ambiente ho paz” esplika Paulo joventude ida husi munisipiu Viqueque.
Entretanto Leila jelita soares nu’udar joventude laklubar hateten espera eleitu presidente foun sei tau matan no sei lori ita ba dalan los.
“Ha’u nia esperansa ba eleitu presidente foun, fiar katak sira sei lori it aba dalan ne’ebé los no sira sei la husik ita mesak basa sira hatene katak sai fonte ne’ebé importante tanba ita mak ita mak hili sira no sira tenke tau ba ita tanba ho ita mak sira tur iha ne’eba .”
“Hau nia rekomendasaun ba eleitu presidnte foun katak tenke tau matan ba joven sira ne’ebé mak agora sei livre hela ka desemprego hela, no hakarak tau iha planu ba joventude sira.”rekomenda Leila jelita soares nu’udar joventude laklubar, postu laklubar munisipiu manatuto.
