Home Notisia La’o Hamutuk: Governu Hasai Ona 12 Biloens Husi FP Maibe Seitor Produtivu...

La’o Hamutuk: Governu Hasai Ona 12 Biloens Husi FP Maibe Seitor Produtivu Sei Fraku

219
0
Peskizador La’o Hamutuk, Elizaria Febe Gomes. [Foto: Franscisco JDA | 29.09.2020]

Reportazen Francisco JDA

“Tuir dadus  problema inseguransa ai-han iha Timor Leste 36% no dadaun ne’e kontinua aumenta tanba situasaun COVID-19 no seluk mak bai loron naruk no mudansa klimatika ida ne’e afeta duni ba povu kiik sira nia moris  no mal nutrisaun 46%”. Mariano Fereira

Organizasaun Naun Governametal, La’o Hamutuk aprezenta materia relasiona ho Orsamentu Jeral Estadu (OJE) 2020, ho topiku Saida Mak Publiku Presiza Hatene Hosi OJE 2020 ho Montante tokon $1.497.

Peskizador La’o Hamutuk, Elizaria Febe Gomes iha aprezentasaun hateten montante tokon $1.497 hosi OJE 2020, no governu mos hasai ona $12 billiones hosi fundu petroliferu (FP), maibe serbisu sosial no ekonomia produtivu nafatin fraku, husu publiku atu kestiona orsamentu ba RAEOA-ZEESM ho montante tokon $76 ( 93% ) kompara ho 12 municipiu hetan  deit 7%, hosi OJE.  Ne’e katak sei produtivu hetan diminuisaun makaas no governu halo promesa barak,  atu tau prioridade ba asuntu sosial maibe realidade la iha.

Nia dehan OJE barak liu mai hosi fundu petroliferu kuaze 74% direita no balun hosi doador, enkuadramentu agensia autonomo no seluktan.

“Kuaze $12 billoens governu hasai hosi fundu petroliferu, ita hare katak seitor importante, liu-liu sosial inklui seitor produtivu ekonomia povu sira nian nafatin fraku, governu dalabarak koalia ba iha publiku katak sei tau prioridade as ba iha seitor importante, maibe realidade seitor importante hetan diminuisaun makaas, kompara ho orsamentu ne’ebe hetan xumba, bee moos ho saneamentu hetan 1% maibe iha tinan ida ne’e sira hamenus tiha OJE ba bee mos sanementu ho 0,6%”,  hateten Elizaria Febe Gomes iha Salaun FONGTIL Kaikoli, 29/09

Elizaria husu governu katak maske iha situasaun COVID-19 nia laran, maibe presiza tau atensaun ba seitor importante sira, hosi seitor edukasaun, saude, bee no saneamentu no mos agrikultura, tanba bainhira halo komprimisu ba publiku dehan tau prioridade ba seitor produtivu no tenki reflete duni iha OJE.

Iha Fatin Hanesan Peskizador Asuntu Agrikultura La’o Hamutuk, Mariano Ferreira hateten tuir dadus  problema inseguransa ai-han iha Timor Leste 36% no dadaun ne’e kontinua aumenta tanba situasaun COVID-19 no seluk mak bai loron naruk no mudansa klimatika ida ne’e afeta duni ba povu kiik sira nia moris  no mal nutrisaun 46%

“Kada tinan maske governu tau orsamentu hodi halo dezenvolvimentu, maibe orsamentu dezenvolvimentu la hadia povu kiik nia moris, iha ibun tutun governu sira sempre koalia katak tau prioridade ba seitor produtivu, agrikultura, industria kooperativa maibe realidade la refleta iha orsamentu ne’ebe atu hadia duni povu nia moris, dalabarak fokus ba projeitu boot sira maibe povu rasik sai fali penonton ba projeitu ne’e”, hateten Mariano Fereira

LEAVE A REPLY

Please enter your comment!
Please enter your name here