Home Notisia UE Apoiu Orsamentu 16 mill Ba Dili International Film Festival

UE Apoiu Orsamentu 16 mill Ba Dili International Film Festival

141
0
Embaixador Uniaun Europeia, Andrew Jacobs . [Foto: Bernarda da Costa | 28.09.2020]

Reportazen Bernarda da Costa

Uniaun Europeia (UE) iha Timor-Leste apoiu orsamentu hamutuk $16.000 mill ba Dili International Film Festival (DIFF)

Liu hosi konferensia imprensa Embaixadora Uniaun Europeia, Andrew Jacobs sente orgullu tebes hodi suporta DIFF, tanba nudar eventu kultural ida nebe importante tebes iha Dili.

“Hau kontente hare filme barak ho estilu diferente iha DIFF, maibe importante liu mai hau atu hare filme badak nebe produz husi kriador filme timoroan ba kompetisaun tinan ida ne’e”, dehan Embaixador Uniaun Europeia, iha Timor Plaza Segunda 28/09.

Embaixada Uniaun Europeia mos kontribui filme lima nebe kapas tebes iha sesaun ba mudansa klimatika nian. Filme badak maibe interesante bele muda ema nia hanoin no fo naroman ba realidade, ba krize klimatiku ohin loron nian.

“Hau hetan nomeasaun atu sai nudar membru juri nian no promete atu hola parte ho seriu no komitmentu”, hateten Embaixador Uniaun Europeia.

Filme badak nasional  ba kompetisaun DIFF total 12 husi grupo The Secret, Grace Creative, Motiv,  Zero Production ,Nollide Ent, Community Love Nature, Protafon Production, Inklusiva Production Film, Evergreen, Campis Filmmakers no Esmeralda Pereira.

Eventu DIFF realiza tamba inisiativa rasik atu promove joven sira nia talentu iha produsaun filme nian, husi kompania Pixelasia Production Dili, Michael Smith nu’udar fundador ba Cinema Lorosa’e, Beachside Cinema no Patrosinadu husi premiado Nobel da Paz Jose Ramos Horta.

DIFF iha Parseiru sira hanesan Embaixada Uniaun Europeia, UNDP, Embaixada EUA, America Film Showcase (AFS), Embaixada Australia, Embaisada Alemanha iha Jakarta, destake husi komunidade Portuguesa, Timor Plaza, Timor Telekom, BNU no GMNTV.

LEAVE A REPLY

Please enter your comment!
Please enter your name here