Home Notisia Dili International Film Festival Loke Film Daruak Ho Tema Adapta-an Ba Mudansa

Dili International Film Festival Loke Film Daruak Ho Tema Adapta-an Ba Mudansa

172
0
Konferensia imprensa konaba Dili International Festival. [Foto: Bernarda da Costa | 28.09.2020]

Reportazen Bernarda da Costa

Dili International Film Festival (DIFF) sei loke edisaun ba filme daruak nian iha tinan 2020, hahu husi loron 1 to’o 11 Outubru no fo oportunidade ba kriador filme nasional no internasional hodi hatudu sira nia kreatividade ba publiku.

Edisaun ba filme ne’e hahu loke ona iha tinan 2019 no ba tinan 2020 nudar edisaun daruak nian no topiku ba DIFF 2020 maka “Adapta an ba Mudansa “.

DIFF 2020 mos sei halo mudansa liu husi loke filme barak iha liur, ne’e hanesan Open Air Screenings hanesan iha Beach side Cinemama iha area branca, Kintal Fundasaun Oriente, Benfika, Yayasan HAK no Cinema Lorosa’e.

Liu hosi konferensia imprensa Diretora DIFF, Lena Lenzen hateten tinan ida ne’e hamosu ideia foun ba kompetisaun filme 2020 nian ho topiku Adapta an ba Mudansa, tamba mundu globalizasaun tenke adapta an liu husi teknolojia sira.

“Kompetisaun DIFF tinan 2020 nian iha parte rua maka kompetisaun nasional no Internasional, kompetisaun filme nasional sei fo oportunidade ba kriador filme t imoroan sira, hodi hatudu sira nia talentu”, esplika diretora DIFF ba jornalista sira iha plaza Segunda,28/09.

Filme internasional nebe submete ba tinan ne’e, mai hosi nasaun 28 no oha loron 10, tinan ne’e DIFF sei fo sai filme hamutuk 66 ho filme hamutuk 23 nebe ho estilu husi membru Uniaun   Eropeia sira,  Beljika,  Fransa, Alemnha, Irlandia, Italia, Latvia, Polonia no Portugal.

Filme badak nasional  ba kompetisaun DIFF total 12 husi grupo The Secret, Grace Creative, Motiv,  Zero Production ,Nollide Ent, Community Love Nature, Protafon Production, Inklusiva Production Film, Evergreen, Campis Filmmakers no Esmeralda Pereira.

Eventu DIFF realiza tamba inisiativa rasik atu promove joven sira nia talentu iha produsaun filme nian, husi kompania Pixelasia Production Dili, Michael Smith nu’udar fundador ba Cinema Lorosa’e, Beachside Cinema no Patrosinadu husi premiado Nobel da Paz Jose Ramos Horta.

DIFF iha Parseiru sira hanesan Embaixada Uniaun Europeia, UNDP, Embaixada EUA, America Film Showcase (AFS), Embaixada Australia, Embaisada Alemanha iha Jakarta, destake husi komunidade Portuguesa, Timor Plaza, Timor Telekom, BNU no GMNTV.

LEAVE A REPLY

Please enter your comment!
Please enter your name here