Home Saude Governu Sei Uza Vasina ArstraZeneca’s Halo Vazinasaun Dahuluk Ba Ekipa Saude no...

Governu Sei Uza Vasina ArstraZeneca’s Halo Vazinasaun Dahuluk Ba Ekipa Saude no Linha Frente

483
0
Vasina COVID-19. [Foto: Copyright Kompas | 12.01.2021]

Reportazen David da Costa Gusmao

Relasiona ho virus Corona ne’ebe afeta ba mundu tomak no nasaun dezenvolvidu sira komesa produs ona vasina hodi kontra virus Corona, liu hosi konferensia imprensa, Koordenador Jeral COVID-19, Odete da Silva Viegas hateten tuir planu primeira faze, sei introduz ba 20% husi populasaun, inklui trabalhadores saude no linha Frente sira hotu, grupo risku, grupo Vulnerable no kampanha ba Imunizasaun ne’e rasik provavelmente sei hahu iha fulan Maio 2021.

Nia hatutan katak Timor-Leste prepara kondisaun ba hetan vasina, tanba pandemia COVID-19 kontinua sai ameasa ba Saúde Públika inklui iha Timor-Leste. Meius ida ne’ebe importante atu prevene pandemia COVID-19 mak liu husi vasinasaun.

Odete deklara katak vasina nebe seguru no efetivu kontra COVID-19 mak sei sai hanesan intervensaun nebe efetivu liu hodi prevene no proteje populasaun husi infesaun grave, mate no hapara pandemia COVID-19.

“Maski ita Timor-Leste laiha kazu pozitivu barak kompara ho nasaun sira seluk, ita iha direitu atu asesu mos ba Vasina COVID-19 iha merkadu Internasional, hodi asegura katak ita nia nasaun la husik ba kotuk tamba nasaun riku hotu buka dalan atu kompete sosa vasina”, Odete Veigas informa  bainhira halo konferensia imprensa iha palacio da Cinzas, Tersa feira 12/01.

Nia subliña tuir rekomendasaun husi Organizasaun Mundial Saúde (OMS) katak vasina nebe apropiadu atu bele aplika iha Timor-Leste mak ArstraZeneca’s ho razaun katak vasina ne’e bele rai iha jeleira ho temperatura 2-8 ͦC, kondisaun ida nebe mak fasilidade saude sira teritoriu laran tomak iha, tamba durante ne’e uza hodi rai vasina rotina sira seluk, folin barato, produsaun massal hahu tiha ona, uza mos iha nasaun barak no hetan ona prequalifikasaun husi OMS no EUL.

Print Friendly, PDF & Email

LEAVE A REPLY

Please enter your comment!
Please enter your name here