Home Notisia TR Relata Kazu Pasa Ba Tinan 2021, Kazu Sivil Iha 14 no...

TR Relata Kazu Pasa Ba Tinan 2021, Kazu Sivil Iha 14 no Krimi Iha 7 Ba Prezidente Lu Olo

191
0
Prezidente Tribunal Rekursu Deolindo dos Santos. [Foto: Santina Lucia da Costa | 12.01.2021]

Reportazen Santina Lucia da Costa

Prezidente Tribunal Rekursu Deolindo dos Santos halo enkontru dahuluk nian iha tinan 2021 ho Prezidente Republika, Dr.  Francisco Guterres Lu-Olo hodi informa serbisu Tribunal Rekursu nian durante iha tinan 2020 no hato’o mós planu ba tinan 2021 nian.

Ba jornalista sira Prezidente Tribunal Rekursu, Dr. Deolindo dos Santos hateten prosesu serbisu Tribunal Rekursu nia lao di’ak liu tan, kompara ho tinan 2019 hafoin hakat mai iha tinan 2020, nivel prosesu no mós dimensaun ne’ebé signifikativu tebes.

“Iha prosesu serbisu ne’e kuaze lao di’ak liu tan, iha tinan hirak liu ba ne’e kompara ho tinan ne’ebé ita foin hakat liu iha 2020 nian, tanba iha nivel prosesu no mos iha dimensaun ne’ebé signifikadu teb-tebes kompara ho tinan hirak liu ba ne’e, iha nivel jestaun ne’e mos di’ak liu tan”, hateten, Prezidente Tribunal Rekursu, Dr. Deolindo dos Santos ba jornalista sira iha Palasiu Prezidensial, Bairu-Pite, Dili, loron, 12/1.

Prezidente Tribunal Rekursu informa iha nivel prosesu iha tinan 2019 pasa ba tinan 2020, Tribunal pasa ho 79 prosesu no foin dadaun pasa ba tinan 2021, ne’e pasa ho 21 prosesu, husi 21 prosesu ne’e iha 14 sivil no krimi 7.  Sivil 14 ne’e inklui mós ba inskrisaun ba partidu foun 4.

Deolindo dos Santos hatutan iha nivel jestaun ne’ebé halo iha tinan 2020, orsamentu ne’ebé preve ne’e, laiha problema lao ho di’ak, iha kondisaun ne’ebé balun halo tan mais iha esperansa boot katak iha tinan 2021 ne’e iha buat balun ne’ebé di’ak liu tan ho previzaun orsamentu ne’ebé iha.

LEAVE A REPLY

Please enter your comment!
Please enter your name here