Home Notisia Os Verdes no Fitun Labele Halo Atividade Nudar Partidu Tanba La Priense...

Os Verdes no Fitun Labele Halo Atividade Nudar Partidu Tanba La Priense Kriteriu

1019
0
Prezidente Tribunal Rekursu Dr. Deolindo do Santos.[Foto: Santina Lucia da Costa | 12.01.2021]

Reportazen Santina Lucia da Costa

Prezidente Tribunal Rekursu Dr. Deolindo do Santos enkontru ho Prezidente Republika, Dr. Francisco Guterres Lu-Olo hodi informa kona-ba prosesu partidu foun haat  hanesan Partidu Timor Forte (PATIFOR), Os Verdes, Fitun no Partidu Dezenvolvimentu Sosial (PDS) ne’ebe rezistu ona iha Ministeriu Justisa no ba iha Tribuna Rekursu iha partidu rua mak iha desizaun ona no partidu rua seluk mak sei iha Tribunal no sei hare atu bele analiza

Ba jornalista sira Prezidente Tribunal Rekursu dehan halo inskrisaun ba partidu iha Tribunal Rekursu ne’e iha partidu haat, mak hanesan, Os Verdes, PATIFOR, Fitun no PDS. Iha rua ne’ebé desizaun sai tiha ona mak partidu Os Verdes ho Fitun no partidu rua ne’e la priense kriteria.  Partidu rua seluk ne’e sei haree hela desizaun sei sai iha tempu badak.

“Partidu rua desizaun sai ne’e laiha ida mak priense kriteria ne’e signifika katak, sira seidauk harii formalmente nudar partidu no sira labele hala’o atividade nudar partidu”, hateten Prezidente Tribunal Rekursu, Dr. Deolindo dos Santos iha Palasiu Prezidensial, 12/01.

Deolindo dos Santos  esplika katak verifikasaun ne’e kompleksu tebes, tanba lei ne’e estabelese kriteria ne’ebe rigorozu kona-ba atu harii partidu, estabelese katak minimu 20 mil apoiantes no kada munisipiu minimu mil pesoas, entaun bainhira atu verifika ema na’in 20 mill iha partidu ne’e la fasil.

Nia dehan Prezidente Republika husu para Tribunal atu bele verifika tuir kriteria ne’ebé lei estabelese, tenki kumpri lei ne’ebé estabelese.

“Tribunal sei la halo buat seluk para alem buat ne’ebé lei hatete, ho forma ida ne’e mak ita bele asegura seguransa juridika katak lei ne’e aplika duni”, dehan Deolindo

Print Friendly, PDF & Email

LEAVE A REPLY

Please enter your comment!
Please enter your name here