Home Saude Hapara Funsionáriu Kontratadu Saúde nian, Postu Saúde Bualale  Laiha Pesoál Saúde Hodi ...

Hapara Funsionáriu Kontratadu Saúde nian, Postu Saúde Bualale  Laiha Pesoál Saúde Hodi  Atende Pasiente

2342
0
Centru saude iha Suku Bualale, Postu Administrativu Quelicai, Munisípiu Baucau (Foto-Filomena).

Reportajem Filomena da Conceição

Relasional ho programa IX governu nian ne’ebé hapara funsionariu Kontratadu saude nian, afeita mos ba  postu saúde iha suku Bualale, Postu administrativo Quelicai Munisípiu Baucau, tanba laiha pesoal saúde ne’ebé atu atende komunidade sira banhira hetan moras, no obrigado tenke lao ain ho distansia ne’ebé hodi hetan tratamentu.

Komunidade Terezinha Alves, husi suku Bualale, sente triste tebes ho programa governu nian ne’ebé ne’ebé maka hapara hotu funsionario Kontratadu saude nian, afeita tebes ba  komunidade ida ne’ebé hela iha área rural, tanba susar ona atu hetan atendimento lalais banhira oan ka familia sira sira hetan moras.

“Hau sente triste tebes, tanba durante ami hetan atendimentu ho diak husi parte pesoal saude sira iha semana ida dala rua,  maibé besik fulan ida ona ami mai postu saúde taka hela deit no laiha pessoal saúde atu atende ami,”haktuir Terezinha ba Neometin liuhusi Via telefone, Sabadu 13/01.

Nia haktuir, postu saúde hanesan fatin ida ne’ebé fasil ba sira  hodi hetan tratamentu lalais banhira sira nia  oan ka inan aman ruma  hetan moras, tanba ne’e, nia husu governo loke matan hodi haree komunidade sira ne’ebé hasoru preokupsaun iha area rural.

Iha sorin seluk, Xefe Sentru Saúde Quelicai Salomão Salustiano Gama, hatuir katak durante fulan ida ona Komunidade sira iha postu saúde Bualale la hetan tratamentu husi pessoal saúde sira tanba pessoal Saúde ne’ebé destaka iha postu saúde refere remata ona ninia kontratu iha fulan Dezembru 2023 ne’e.

“Komunidade iha postu saúde Bualale Durante fulan ida ona labele hetan tramemtu tanba pessoal saúde ne’ebé destaka iha postu saude refere nia regime internatu tanba nee  Kontratadu remata ona  iha loron 31/12/2023”, dehan Salustiano Gama.

Nia hatutan, pesoal saúde ne’ebé governo hapara iha sentru saúde Quelicai, iha loron 31/12/1/2023 hamutuk nain 17, tanba ne’e susar tebes pessoal saúde sira iha postu Quelicai atu halao tramemtu ho diak ba komunidade sira tanba sentru saúde Quelicai menus rekursu umanus.

Tanba ne’e husu governo presiza tau atensaun seriu hodi rezove problema kona-ba problema rekursu umanus tanba rekursu umanus sai hanesan faze importante hodi rezolve komunidade sira nia preokupsaun iha area remotas.

Print Friendly, PDF & Email

LEAVE A REPLY

Please enter your comment!
Please enter your name here