Home Saude MS: Governu Sei Hasa’e Nutrisaun Ba Inan Isin Rua no Inan Fo...

MS: Governu Sei Hasa’e Nutrisaun Ba Inan Isin Rua no Inan Fo Susu Iha Tempu Kritiku

554
0
Hahan nutritivu. [Foto: Copyright Google | 14.01.2024]

Reportajen Zevonia Vieira

Ministériu Saúde Timor-Leste (MS) ho Organizasaun Nasoens Unidas ho Programa Alimentár Mundiál (PAM) asina ona akordu hodi sosa stok Ai-han Nutritivu Espesializadu (SNF – sigla inglés) hodi kombate malnutrisaun ba inan isin-rua no inan fó-susu sira.

Liuhusi komunikadu imprensa ne’ebe Neon Metin asesu husi media WFP informa katak, osan ho valór $600,000 apoiu hosi Ministériu Saúde sei permite PAM atu sosa tonelada métrika 380 iha tinan 2024. Produtu hirak-ne’e sei distribui hosi Ministériu Saúde atu responde no jere problema malnutrisaun aguda no krónika no sei fó benefísiu ba inan isin-rua no inan fó-susu sira liu 10,000 iha munisípiu 13 ne’ebé mak hasoru hela lakuna ai-han nutritivu.

Ministra Saúde S.E. dra. Élia A.A. dos Reis Amaral hateten, “ho fornesimentu ai-han nutritivu liu hosi Sentru Saúde Komunitária, Governu Timor-Leste sei hasa’e nutrisaun ba inan isin-rua no inan fó-susu iha tempu krítiku iha sira-nia oan nia dezenvolvimentu.”

Inisiativa ne’e reprezenta pasu ida ba oin ba estratéjia Timor-Leste nian hodi kombate malnutrisaun krónika no alkansa objetivu halakon hamlaha iha tinan 2030.

“Feto no labarik-feto sira ho idade reprodutiva hasoru problema boot ho lakuna ai-han nutritivu iha rai-laran. Ida-ne’e aumenta mós ho impaktu hosi COVID-19, kustu ai-han ne’ebé aas no mudansa klimátika derrepente, ne’ebé tau feto iha risku aas ba malnutrisaun. PAM haksolok ho parseria ho Ministériu Saúde atu ajuda rezolve lakuna ida-ne’e no suporta futuru ida-ne’ebé saudavél liu ba inan no labarik sira iha Timor-Leste,” Alba Cecilia Garzon Olivares, Reprezentante PAM ba Timor-Leste hateten.

Print Friendly, PDF & Email

LEAVE A REPLY

Please enter your comment!
Please enter your name here