Home Notisia MS Lansa Program SIRUS Hodi Apoiu Serbisu Rekursu Umanu nian

MS Lansa Program SIRUS Hodi Apoiu Serbisu Rekursu Umanu nian

141
0
MS lansa program SIRUS. [Foto: David da Costa | 14.05.2021]

Reportazen David da Costa Gusmao

Ministra Saude (MS) ohin halo lansamentu ba Sistema Informasaun Rekursu Umanu Saude (SIRUS) nian iha hotel Novo Turismo. Ministra Saude (MS), Odete Maria Freitas Belo informa lansamentu ida ne’e hanesan sistema ida atu utiliza, hodi haree ba rekursu humanu Ministru Saude nian.

“Hau hakarak atu dehan deit katak ami lori tempu kleur ona, atu iha sistema ida para halo gestaun ba ami nia rekursu umanu iha MS. Perparasaun ida ne’e ohin ami nia Diretor Jeral Servisu Koorporativu hato’o atu dezenvolve sistema digital ida ne’e kleur los, mais ohin ami iha oprtunidade atu bele halo lansamentu ba sistema ida ne’e,” dehan Ministra Odete Maria, 14/05.

Nia haktuir lansamentu ne’e iha buat balun ne’ebe prontu ona para bele implementa, maibe presiza haree no elabora buat balun ne’ebe mak seidauk iha hodi kompleta.

Nia salienta sistema digital ida ne’e apoiu mai husi oraganizasaun Saude Mundial (OMS) no serbisu hamutuk ho Ministeiru da Saude.

Iha fatin hanesan Diretor Jeral Servisu Kooperativu Ministeriu Saude Marcelo Amaral hateten, lansamentu  SIRUS ida ne’e hanesan komponente importante iha pilares rekursu umanus iha jetor saude, portantu sistema  informasaun ne’e hanesan komponente ida atu bele  fo informasaun diak liu ba jestor sira,  atu bele jere jestaun rekursu umanu ne’e ho di-diak.

“Iha nia pratiku se ema hakarak atu update ka halo atualizasaun ninia nivel ka ninia dokumentus ruma presija informasaun relasiona ho servisu durante ne’e, ita ba iha sistema ne’e, sistema bele hatudu mai ita bele koleita informasaun sira ne’e husi SIRUS, hodi kompleta dokumentu sira ne’ebe presija, nune’e mos sistema ne’e bele ajuda funsionariu sira,” dehan  Marcelo.

Nune’e mos sistema ne’e bele  fasilita jestor iha nivel hotu-hotu, komesa husi nivel politiku hanesan Ministru Saude, Diretor Jeral, Diretor Nasional no mos fasilita  Diretor iha nivel operasional sira hanesan , Diretor Municipiu, Diretor Ospital sira bele kontrola diak liu nia funsionariu sira iha nia fatin.

Print Friendly, PDF & Email

LEAVE A REPLY

Please enter your comment!
Please enter your name here