Home Saude Prizioneiro no Guarda Seguransa Iha Becora Detetadu Pozitivu COVID Horseik 143 no...

Prizioneiro no Guarda Seguransa Iha Becora Detetadu Pozitivu COVID Horseik 143 no Ohin 77

453
0
MS ho MJ visita kadeia Becora. [Foto: David da Costa | 14.05.2021]

Reportazen David da Costa Gusmao

Prizioneiro ho Guarda Seguransa iha prizaun Becora hamutuk na’in 143 detetadu pozitivu COVID -19. Hafoin fo sai rezultadu teste swab pasiente COVID -19 na’in 143 kompostu husi prizioneiru na’in 134 no guarda segurnsa na’in 9, sei halo deit isolamemtu iha prizaun laran.

Ministra Saude, Odete Maria Freitas Belo informa ba jornalista sira katak ohin mai hare direitamente situasaun iha ne’e, tanba prizioneiru ho Guarda seguransa balun pozitivu ba COVID-19, Ministeriu Saude nia obrigasaun atu mai hare ni tau matan ba sira ho hanoin ida katak sira atu ses husi virus COVID-19.

“Hakarak mai hare ho ida ne’e mak ohin komunika ba guarda seguransa no Ministru Justisa para atu haree sira ne’ebe mak kamaan ka asintomatiku ka la iha sintomas atu tau ketak no ita fo atensaun ba sira ne’ebe ho sintomas maibe iha moras seluk, no ba ema ne’ebe ho idade 60 atu nune’e bele asegura sira, maibe lista ne’ebe ita iha sira nain hira ne’e mesak asintomatiku hotu deit,” nia sublina.

Governante ne’e haktuir pasiente COVID ne’ebe detetadu ona sei halo de’it izolamentu iha prizaun laran no la lori sai ba fatin ida.

Iha fatin hanesan Ministru Justisa (MJ), Manuel Cerceres da Costa hateten prizioneiru sira ne’ebe pozitivu COVID-19 ne’e tanba sira hamutuk iha sela ida ho maluk matebian Juga Gama, no sela ida  besik malu, “sela rua ne’e la’os hetan hotu infensaun maibe iha balun hetan pozitivu no balun negative”.

Nune’e , ema sira ne’ebe iha prizadaun Bekora halo ona teste swab iha loron 12 Maiu no balun rezultadu iha ona , balun sei hein rezultadu no total prizioneiru sira hamutuk 541 inklui ho feto na’in 4 . Provizoriamente ema na’in 143 mak pozitivu Covid-19, sira pozitivu halo teste swab iha loron 12 Maiu, husi total 143 ne’e, prizioneiru nain 134 no guarda segiransa nain 9 mak pozitivu Covid-19

Dadus husi Centro Integradu Jestaun Krize (CIJK) relata katak 239 kazus detetadus ohin, iha loron 14 Maiu kazu foun COVID-19 total 77 iha Kadeia Becora, horseik loron 13 Maiu deteta 143 no sura hosi dadus husi horiseik mai ohin iha Kadeia Becora deteta kazu pozitivu total 220 husi populasaun prisional 557 (taxa de atake 39,5% ).

Print Friendly, PDF & Email

LEAVE A REPLY

Please enter your comment!
Please enter your name here