Home Saude Dadus Provisoriu Simu AstraZenecaa 20 mill Hosi Australia Total 9.728 Iha Dili

Dadus Provisoriu Simu AstraZenecaa 20 mill Hosi Australia Total 9.728 Iha Dili

128
0
Vasina COVID-19. [Foto: Copyright Kompas | 12.01.2021]

Reportazen David da Costa Gusmao

Porta Voz komisaun Interministerial Centro Informasaun Vasinasaun COVID-19, Dotora Danina Coelho informa husi loron 10 Maiu to’o 13 Maiu ema hamutuk 9,728 mak hetan ona vacina AstraZeneca 20 Mill dozes husi Australia, ema sira ne’e besik 46%, pertense ba adultu ho tinan liu 60, ema ho komorbilidade ka moras kroniku no mos pessoal saude husi linha frente.

“Iha fase dahuluk hahu hosi 10 Abril to’o fim de Abril populasaun Dili ne’ebe hetan ona vasina hamutuk 15,835, nune total kumulativu populasaun Dili nebe hetan ona vasina hamutuk 25,563 (koresponde 8.590 poplusaun Dili),” esplika Dotora Danina iha Ministeiru Solidadridade Sosial Inkluzaun (MSSI) Kaikoli, Sexta 14/05.

Nia haktuir Ministeriu Saude lansa segundu faze vasina iha  loron 7 Maiu, nafatin tau hanesan prioridade ba ema nebe ho tinan liu 60  ba leten, ema ho moras kroniku no traballadores iha linha frente.

Nia salienta situasaun atual COVID-19 iha Dili, obriga Ministeriu de Saude foti desizaun fo prioridade atu proteje lalais populasaun iha kapital, nune’e vasinas 20 mill dozes hahu nia implementasun iha deit Dili.

“Iha semana ne’e vasina hasoru COVID-19 fo iha area sira iha munisipiu Dili nian mak iha Comoro, Vera Cruz, Formosa, Becora, Metinaro, Bebonuk, Fatuhada, Madohi, Vila Verde, Caicoli, Gricenfor, Lahane Oriental, Becora no Sabuli,” nia subliña.

Tuir planu Ministru Saude sei kontinua fo vasina iha suku Comoro, Bebonuk, Fatuhada, Madohi, Vila Verde, Lahane Oriental, Caicoli, Lahane Ocidental, Kuluhun, Bidau Sta. Ana no Wenunu, no mos iha HNGV, iha centro saude sira iha Comoro, Vera Cruz, Formosa, Becora no Metinaro no mos iha insituisaun balun.

Iha primeira faze vasinasaun hasoru COVID-19, hahu iha loron 7 Abril, iha munisipiu 10 ema hamutuk 28,600 mak vasina ona no inklui pesoal saude hamutuk liu 8,000 no ema 19,000 husi setor sira seluk liña  frente nian mak simu uluk liu vasina hasoru COVID-19.

Iha parte seluk Neon Metin asesu informasaun hosi Ministeriu Saude (MS) hosi progresu jeral kampanha vasinasaun COVID-19 nivel nasional ba vasinasaun premeiru dozes nian iha fulan 30 Abril 2021, total dozes ne’ebe administra ona hamutuk 28,669, dozes ne’ebe iha hamutuk 90, mane 66.1% no feto 33.9%

Ba faze 2 vasinasaun COVID-19 hahu hosi loron 10 Maiu iha municipio Dili hatudu dadus provisoriu katak pessoa comórbida ne’ebe hetan ona to’o loron 14 Maiu hamutuk 4295, idade 60 ba leten hamutuk 715, pessoa laos comórbida 5786, linha frente sira seluk 2214 no ekipa pesoal saude 72.

Print Friendly, PDF & Email

LEAVE A REPLY

Please enter your comment!
Please enter your name here