Home Saude Governu EUA Apoiu $5 milhões Hodi Apoiu TL Ba Kombate COVID-19

Governu EUA Apoiu $5 milhões Hodi Apoiu TL Ba Kombate COVID-19

251
0
MS hasa foto hamutuk ho ekipa husi Embaixada EUA. [Foto: Joselina | 14.09.2021]

Reportajen Joselina dos Santos

Governu Estadus Unidus America (EUA) liu hosi nia Embaixada iha Timor-Leste apoiu osan $5 million ba governu Timor-Leste hodi Kombate COVID-19 iha Timor-Leste

Ministra Saude (MS), Odete Maria Freitas Belo hateten iha ona apoiu lubuk ida ne’ebé mak Timor simu hanesan hadi’a infraestrutura sira, apoiu hirak ne’e hanesan meius ida hodi haforsa organizasaun atu bele hala’o ita nia serbisu hatán ba Covid-19, tanba ita lahatene Covid-19  sei akontese to’o bainhira.

“Apoiu ida ne’e mos la-ses husi apoiu vasina ne’ebe mak sira sei oferese, tanba ita seidauk hatene sira atu apoiu vasina nia doze hira. Ita rona katak sira prontu apoiu ita vasina pfizer mai Timor, atu administra ba labarik sira husi idade 12 to’o menus husi  18 anos,” dehan Ministra Saude ba jornalista sira iha Salaun das Cinzas, Ministra Saude, Kaikoli, 13/09.

Iha fatin hanesan, Enkarregadu Negósiu Embaixada EUA,  Charge D Affairs,  Tom Daley hateten ho fundu adisional $1 million ne’ebé Estadus Unidus America fo ba Timor-Leste mak $5 million  hodi apoia esforsu Governu Timor-Leste nian atu kombate Covid-19 iha país ida ne’e.

Nia hatutan ida ne’e parte husi $4 biliaun ne’ebé governu EUA fornese liu husi inisiativa Covax hodi oferese vasina ba País sira iha mundu tomak.

Nia dehan Timor-Leste nia nivel mundu vasinasaun bele dehan di’ak tebes, maibé ida ne’e la signifika to’o de’it iha ne’e, tenke kontinua nafatin hasa’e númeru vasinasaun nian.

Niakonklui katak $1 million ne’ebe oferese ba Timor-Leste, nia objetivu atu ajuda no oferese informasaun ba ema sira ne’ebé sei duvida kona-ba vasina, ida ne’e bele ajuda hato’o informasaun ho los, nune’e ema bele simu vasina tanba estudu provas Ssentífika hatudu ona katak vasina bele ajuda redús severidade Covid-19.

Print Friendly, PDF & Email

LEAVE A REPLY

Please enter your comment!
Please enter your name here