Home Uncategorized Governu Japaun Apoiu Material Prevensaun Covid-19 nian ba MI

Governu Japaun Apoiu Material Prevensaun Covid-19 nian ba MI

502
0
Goveru Japaun entrega material Prevensaun COVID-19 ba MI. [Foto: David da Costa | 26.02.2021]

Reportazen David da Costa Gusmao*

Governu Japaun liu husi Ajensia Kooperasaun Internasinal Japaun (JICA) apoiu material ba prevensaun  hosi COVI-19 ba Ministeiru Interior (MI), hodi fasilita  protesaun pessoal mediador sira no mos fasilita prevensaun ba komunidade sira.

Superientendenti Polisia Diretor Jeral Protesaun Civil, Ismael da Costa Babo,  hatoo agradesementu ba governu Japaun ne’ebe mak reprezenta husi JICA iha Timor-Leste, bele apoiu  ona material ne’ebe  ba halo prevensaun hosi COVID-19 nian ba Ministeriu Interior. Sira organiza ida mos  fo atensaun ba iha Diresaun Prevensaun Konflitu Komunitariu, tanba Diresaun ida ne’e iha Muncipiu mos iha, liu-liu halo asaun, mediasaun no sosializasaun ba prevensaun Konflitu  iha Komunitariu.

“Ekipamentu sira ne’ebe hetan sei koloka ba iha koordenador 12 Municipiu no inklui RAEOA, atu fasilita sira nia protesaun pessoal ba ami nia mediador sira no mos fasilita prevensaun ba ita nia an”, dehan  Ismael ba jornalista sira iha Ministeiru Interior Kaikoli, 26/02.

Nia haktuir sasan ba apoiu mak balde fase liman, maskara, laser ka termometer ba teste temperatura nian no Hand Sanitizer,   sira uza bainhira halo  reuniaun ho mediasaun ho  komunidade sira ka konflitu ruma.

“Alende ne’e mos ekipamentu sira ne’e apoiu mos ita nia komunidade, atu halo prevensaun ba konflitu komunitariu no mos halo sosializa ba prevensaun ba COVID-19, tanba Protesaun Civil mos hola parte iha prevensaun COVID-19”, esplika Ismael.

Iha fatin hanesan reprezentante JICA,  Ko Goto  agradese tebes bele entrega material prevensaun COVID-19 nian ba Koordenador Prevensaun  Konflitu,  sasan sira ne’ebe JICA apoiu mak  balde hamutuk 13, termometer 13, maskara no hand sanitizer, ho folin hamutuk $2000 dolares, sasan sira ne’e atu fornese ba mediador sira iha Municipiu 12, inklui RAEOA.

“Hau hakarak enkoraja ba ita hotu, atu prioritiza ita nia saude liu husi fase Liman beibeik, mantein distansia  no uza maskara”,  nia konklui.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here