Reportajen Juvinal Cabral
Conselho Imprensa Timor Leste (CI) kopera ho ABC International Development Australia kapasita formasaun ba Jornalista husi media nasional sira.
Tuir Prezidente Konsellu Imprensa Timor Leste, Otelio Ote hatetedesde tinan ida resin KI halo koperasaun ho ABC.ID, ho diak tebes tanba ne’e husu para ABC.ID atu nune bele kontinua fo formasaun ba ita nia jornálista sira iha rai-laran.
“KI orgullu no apresia ho ABCID nia aprosimasaun ho Konsellu Imprensa,tanba desde sira hahu kedas sira nia servisu iha nee hau koalia ho sira iha Timor Plaza ikus mai realiza duni,”dehan nia liu husi Diskursu hafoin halo abertura ba treinamentu Refere iha Osindu, Surik Mas,Dili, tersa (25/06).
Nia dehan Formasaun hirak mak nia fasilita tiha ona hahu kedas iha Balibo no mos Oecuse no agora iha Dili.
“Formasaun sira ne’e Konsellu Imprensa sente katak importante tebes ba ita nia Jornalista sira, tanba ita hatene Timor Leste ne’e laiha instutu ida ne’ebe mak favoritu atu Jornalista sira hetan edukasaun diak.”dehan prezidente CI
Iha Fatin hanesan Program Maneger ABC ID , Fiona Churchman hatete, Formasaun Storytelling ne’e koalia konaba oinsa buka ideia no oinsa hetan istoria sira no buka fontes ne’ebe mak bele koalia asuntu ka informasaun los
“Storytelling nee parte ida oinsa mak ita atu halo peskiza no identifika parte interesadu sira, atu ita bele halo Entrevista, no ema sira ne’ebe mak karik sei hetan impaktu husi ita boot nia istoria ne’ebe mak ita boot sei halo,”dehan formadora
Nia hatete oinsa mak atu hakerek istória ne’ebe mak imi hetan iha plataforma diferente, primeiru mak tenke hanoin asuntu ne’ebe mak importante tebes ba ema sira iha Timor laran no oinsa mak bele hato fila fali istoria ne’e diak liu tan.
Nia informa ABCID kontente tebes no sente onradu tebes bele servisu hamutuk ho Conselho Imprensa Timor Leste.
“Ami mos halo ona formasaun iha Oecusse,Balibo no mos iha Dili, ami sei nafatin halo formasaun barak iha futuru,”dehan nia.
Iha sorin seluk reprezentante Jornalista, Maria Tavares mós hakarak hato’o agradese ba parte konsellu imprensa ne’ebé mak kopera ho ABC.ID Austrália hodi fó formasaun ne’e ba jornalista sira no nafatin husu ba parte KI atu kontinua fó formasaun iha futuru hodi bele aumenta liu tan kapasidade Jornalista sira nian.
“Hakarak hato’o agradese ba parte konsellu imprensa ne’ebé mak kopera ho ABC.ID hodi fasilita informasaun ida ne’e ba ami Jornalista sira no ami husu nafatin ba CI atu kontinua nafatin fó informasaun sira hanesan ne’e ba iha futuru, atu nune’e bele aumenta nafatin koñesementu Jornalista sira nian,” dehan Maria.
Entretantu formasaun ne’e durante loron rua iha (25-26),Jornalista ne’ebe mak partisipa iha formasaun hamutuk nain 15 kompostu husi media nasional sira iha Dili laran.
