Home Notisia Eleitu ba PR Lamukan Hakarak Kontinua Haruka Joven Sira Estuda Medisina Iha...

Eleitu ba PR Lamukan Hakarak Kontinua Haruka Joven Sira Estuda Medisina Iha Cuba

664
0
Kandidatu Prezidente Republika, Lamukan. [Foto: Santy | 10.03.2022]

Reportajen Santina Lucia da Costa

Kampaña ba dala-ualu ho tipu diálogu, Kandidatu Prezidente Repúblika ho númeru sorteiu 12, Virgilio da Silva Guterres “Lamukan”,  iha kompromisu polítika bainhira eleitu ba Prezidente Republika tinan 2022-2027, hakarak kontinua haruka nafatin joven sira ba estuda iha Medisina, Medisina publika, Enfermajen iha Cuba.

Iha ambitu dialogu kandidatu Prezidente Republika ho Númeru sorteiu 12, Virgilio da Silva Guterres “Lamukan”,  hateten orsamentu alokasaun ne’e bainhira la razoavél ba edukasaun, saude, agrikultura, dezenvolvimentu juventude nian Lamukan  sei la aprova, tanba komponente sira ne’e mak save dezenvolvimentu ninian sai baze, edukasaun ne’e sai fundasaun ba nasaun ida ne’e ninia moris.

Virgilio da Silva Guterres “Lamukan” afirma apresia primeira governu ne’ebé konsege haruka joven barak ba Cuba atu aprende  atu estuda medisina besik 1000 rekursu umanus ne’ebé mezmu seidauk sufisiente, importante tebes durante pandemia Covid-19, atu hamutuk ninia maluk sira ne’ebé eskola iha fatin seluk sira bele fó asisténsia tuir sira nia kapasidade ba ita nia komunidade.

“Kuandu sai Prezidente Repúblika hakarak kontinua haruka nafatin joven sira ba estuda medisina, medisina piublika, enfermagen, atu nune’e sira bele mai ajuda públiku, família no komunidade, hau sei husu governu atu aloka orsamentu loke formasaun vokasional ba juventude sira iha munisipiu hotu-hotu bazeia ba nesesidade munisípiu ninian, atu nune’e juventude sira kuandu sai husi sira nia formasaun ne’e sira bele iha kapasidade atu halo auto-empregu katak sira bele loke serbisu la’os tenki ba forma buka serbisu lae.” hateten, Virgilio da Silva Guterres “Lamukan” iha Mantane, Aileu, 9/3.

Lamukan realsa tan katak, Juventude tenke sai pioneiru ba unidade nasional, atu sai pioneriu ba unidade nasional estadu  tenki garantia espasu ba juventude atu bele esperesa sira na kreatividade, talentu, muzika, pintura, arte inklui arte marsiais.

“Hau kandidatu independente, mesak maibé gosta hanoin hamutuk, ki’ak iha soin maibé riku iha hanoin, la tane liman ba tula liman maibé tane aas interese povu nian, la buka oin iha dalan oioin hodi buka oin atu hetan simpatia, maibé brani hamriik iha oin atu lori povu hateke ba oin.” hateten, Lamukan.

Nia akresenta sai Prezidente Republika, kompetensia importante Prezidente atu halo mak promulga Orsamentu Jeral Estadu (OJE), molok orsamentu tama governu aprezenta nia planu ba Parlamentu no hau sei komunika ho governu atu haree planu governu nian ne’e ba edukasaun, saude, agrikultura saida, planu ba dezenvolvimentu juventude nian iha ka lae, sé planu laiha  haruka sira hatama, planu laiha la aprova.

Print Friendly, PDF & Email

LEAVE A REPLY

Please enter your comment!
Please enter your name here