Home Notisia Lao Hamutuk: Lei Grande Opsaun La Konsidera Impaktu OJER 2022

Lao Hamutuk: Lei Grande Opsaun La Konsidera Impaktu OJER 2022

133
0
Lao Hamutuk (Foto: IDN-InDepthNews

La’o Hamutuk husu Ministériu Finansas atu hadi’a no atualiza informasaun kona-ba projesaun ba despeza no reseita ba futuru. Luta Hamutuk nota katak Proposta Lei ida ne’e uza dadus finanseiru impaktu OJER 2022 nian. Lia hirak ne’e Lao Hamutuk hato’o liu hosi nia Karta Aberta ba Deputadu/a iha Parlamentu Nasional, 24 Maiu 2022.

Lao Hamutuk publika iha ninia Komunikadu Imprensa horiseik (25/05) kontiudu hosi ninia Karta Aberta ne’ebe hato’o katak atu kontribui ba diskusaun no avaliasaun ba dezeñu diresaun Polítiku ida ne’ebé realistíku, ekitável no sustentável liu.

“La’o Hamutuk husu Ministériu Finansas atu hadi’a no atualiza informasaun kona-ba projesaun ba despeza no reseita ba futuru. Ami nota katak Proposta Lei ida ne’e uza dadus finanseiru ne’ebé la inklui impaktu husi Orsamentu Retifikativu 2022, ne’ebé aumenta OJE 2022 ba biliaun $1.24. Iha ezbosu Lei nia laran, iha mós informasaun ne’ebé la konsistente, no ami preokupa katak projesaun ba reseita iha futuru inklui reseita la mai serteza, ka la iha evidénsia”, Komunike ne’e esplika.

Lao Hamutuk mos inklui iha Karta Aberta nia laran, informasaun kle’an tan kona ba preokupasaun hirak ne’e, no husu Ministériu Finansas atu fornese informasaun kompletu kona-ba sira nia estimasaun hirak ne’e, atu ajuda Membru Parlamentu no públiku bele avalia proposta ida ne’e, no komprende realidade situasaun finansas estadu inklui impaktu husi proposta lei ida ne’e.

Iha Karta Aberta, Lao Hamutuk identifika mos proposta programa importante liu atu sai prioridade iha OJE 2023, inklui agrikultura ne’ebé orienta ba konsumsaun lokál, edukasaun, saúde, no bee mós no saneamentu. Hafoin Fundu Petrolíferu mamuk, sei la iha osan tan atu investe iha setór xave sira. Nune’e mak ita presiza uza oportunidade ida ne’e atu investe iha povu.

Print Friendly, PDF & Email

LEAVE A REPLY

Please enter your comment!
Please enter your name here