Home Notisia Governu Aprova Lei Autorizasaun Lejizlativa Ba Rekuperasaun Empreza

Governu Aprova Lei Autorizasaun Lejizlativa Ba Rekuperasaun Empreza

110
0
Ministru Prezidénsia Konsellu Ministru, Fidelis Manuel Leite Magalhães. [Foto: David | 17.05.2022]

Repotajen David da Costa Gusmao

Governu liuhosi reuniaun Konsellu Ministru, ohin aprova ona projetu Proposta Lei ba autorizasaun lejizlativa kona-ba rekuperasaun empreza sira no insolvénsia, ne’ebé aprezenta husi Ministru Koordenadór Assuntus Ekonómikus (MKAE) Joaquim Amaral.

“Objetivu husi pedidu autorizasaun lejizlativa nian ne’e ba Parlamentu Nasionál (PN) maka atu elabora lei moderna ida kona-ba rekuperasaun no insolvénsia, hanesan elementu esensiál ba kreximentu tesidu ekonómiku no investimentu país nian,” dehan porta voz governu, Ministru Prezidénsia Konsellu Ministru, Fidelis Manuel Leite Magalhães   iha Palásiu Governu, Kuarta 25/05.

Porta voz Governu ne’e haktuir nesesidade ida ne’e mai husi intensaun Governu Konstitusionál VIII nian, atu transforma baze ekonomia timoroan nian hodi hasa’e reziliénsia no potensiál kreximentu, apoia no rezolve situasaun empreza sira nian ne’ebé iha situasaun finanseira difisil, maibé sei iha kondisaun ekonómika atu la’o.

Nune’e atu fó resposta ba ezijénsia sira kona-ba integrasaun ba ÁZEAN no organizasaun mundiál  komérsiu (OMK), ho kuadru lejizlativu ida ne’ebé reponde ba nesesidade sira país nian no ba kompromisu ne’ebé asume iha ámbitu internasionál.

Print Friendly, PDF & Email

LEAVE A REPLY

Please enter your comment!
Please enter your name here