Home Notisia Konsellu Imprensa Apresia PN, Aprova Ona Loron Nasionál ba Liberdade Imprensa

Konsellu Imprensa Apresia PN, Aprova Ona Loron Nasionál ba Liberdade Imprensa

174
0
KI halo konferensia imprensa. [Foto: David | 26.05.2022]

Reportajen David da Costa Gusmao

Konsellu Imprensa (KI) Timor-Leste hato’o apresiasaun ba Parlamentu Nasionál tanba liuhosi plenaria ordinariu, aprova ona projeitu rezolusaun parlamentu nasional Nú 95/V, IV konaba loron 16 Outubru nu’udar loron Nasionál ba Liberdade imprensa iha Timor-Leste.

Prezidente Konsellu Imprensa Timor-Leste, Virgílio da Silva Guterres hato’o apresiasaun ba parlamentu Nasionál tanba horseik  liuhosi debate aprova ona rezolusaun parlamentar ida  katak loron 16 Outubru  nu’udar loron Nasionál ba Liberdade Imprensa.

“Lori Konsellu Imprensa nia naran hakarak hato’o apreciasaun makaas tebes ba Parlamentu Nasionál ne’ebé horseik  hamutuk liuhosi debate ida,  aprova  rezolusaun parlamentár  loron 16 Outubru  nu’udar loron nasionál ba Liberdade imprensa,” hateten Prezidente Konsellu Imprensa Virgílio Guterres, Iha Kontal Boot, Kuarta 25/05.

Ida ne’e nu’udar esforsu naruk ida ne’ebé durante media no komunidade jornalista sira halo, hahú kedas iha inisiu 2000 nian, ho inisiativa husi AJTL ninian no iha tempu Nelio Issac Sarmento nian nu’udar Sekretáriu Estadu komunikasaun Sosiál (Sekoms).

“Tesik mai hau sei hanoin katak Sekretáriu Estadu komunikasaun Sosial maun Nelio Issac Sarmento ninian no asosiasaun barak maka profoin  ona data ida ne’e ba  loron Nasionál Liberdade imprensa,” nia dehan.

Depois mai tan Konsellu Imprensa halo konsulta alargada ida ho organizasaun  jornalista sira hotu  nomós jornalista  senior balun hodi diskute konaba data ida ne’e, ikus mai hothotu konsensu hili data 16 Outubru ida ne’e nu’udar loron Nasionál  ba  Liberdade imprensa.

Ho ida ne’e Konsellu Imprensa haktuir mandatu hosi organizasaun sira ne’e no jornalista  sira nian hodi lori data ida ne’e ba iha orgaun estadu nian hodi aprova, no ikus mai horseik  parlamentu nasionál aprova ona loron 16 Outubru nu’udar loron Nasionál ba Liberdade Imprensa.

Iha fatin hanesan Diretór Ezekutivu Konsellu Imprensa (KI), Rigoberto Monteiro, dehan, rasaun tanba sa maka hili loron 16 Outubru  ba loron Nasionál Liberdade Imprensa.  Antes ne’e lansa ono ba iha publiku iha Balibo iha tinan 2021, atu halo advokasia ba iha governu no parlamentu nasional relasaun ho 16 Outubru ninian.

“Razaun fundamentu hili loron ida ne’e, tanba partisipasaun jornalista ne’e iha prosesu luta libertasaun nasional, ita hotu hatene katak  prosesu luta ida ne’e laos  ema funu nain sira mesak maka kontribui maibé  mós partisipasaun kontribuisaun  husi jornalista sira, media, liliu jornalista sira estranjeiru sira ne’ebé  fó sira nia tempu mai  Timor hodi relata ita nia situasaun iha Timor nian.  Entaun ne’e rekoinesementu boot ida ba estadu nian ba kontribuisaun media nian ba ita luta libertasaun nasional  ba determinate data ohin ne’e,” nia esplika.

Nune’e mós razaun seluk maka 16 outubru, sai sekonsia istoria tomak, akontesementu trajedia iha Timor iha relsaun ho media no jornalista sira, 16 sai hanesan data ida ne’ebé   refleta trajedia ida Timor, la signifika data seluk ne’ebé jornalista seluk mate ne’e la importante, maibe hothotu importante sai sekonsia istoriku hotu.

Maibe 16 Outubru ne’e refleta narativa istoria ida ne’eb’e  koalia konaba  karaterístika ba  kriteriu atu konsidera sai hanesan trajedia galae? tarajedia ne’e, ema oho ema nain lima ba leten iha tempu hanesan no iha hanesan, ba ida ne’e 16 outubru ne’e profizaun ema nain lima maka mate, kategoria akontesimentu trajedia iha Timor.

Print Friendly, PDF & Email

LEAVE A REPLY

Please enter your comment!
Please enter your name here