Home Meio Ambiente Inundasaun Dili, Dadus Provisoriu SEPS, Ema Mate Total 21, Iha Dili nain...

Inundasaun Dili, Dadus Provisoriu SEPS, Ema Mate Total 21, Iha Dili nain 13 no Afetadu 2065

533
0
Diretor Nasional ba Jestaun Risku Dezastre, Agostinho Belo. [Foto: Zevonia Vieira | 05.04.2021]

Reportazen Zevonia Vieira

Akontesementu inundasaun iha Dili ne’ebe hahu hosi loron 3 Abril – 4 Abril dader hamosu impaktu ba komunidade sira nia moris.

Neon Metin halo konfirmasaun ho parte Sekretariu Estadu Protesaun Sivil (SEPS) konaba dadus provisoriu ba komunidade sira ne’ebe afetadu hosi dezastre naturais.

Diretor Nasional ba Jestaun Risku Dezastre, Agostinho Belo relata ba Neon Metin katak akontesementu inundasaun hosi loron 3 Abril – 4 Abril hahu hosi madrugada to kalan, udan boot ne’ebe akontese iha Dili, afeta ba populasaun tomak, hosi dadus provisoriu ema ne’ebe mate hamutuk nain 21, iha Dili hamutuk nain 13 no liur hosi Dili nain 8.

Total komunidade afetadu provisoriu to’o ohin loron nian mak hamutuk 2065, hosi numeru ne’e iha Dili uma kain ne’ebe evakua ba centro evakuasaun hamutuk 1579, Viqueque nain 416, Baucau nain 9, Manufahi nain 4, Bobonaro nain 1, Oeusse nain 2 no Ainaro nain 7. Total centro evakuasaun hamutuk 11 iha Timor laran tomak, iha Dili centro evakuasaun 9.

Diretor Agustinho hatutan agora dadauk governu serbisu hamutuk parseiru sira, tantu NGO nasional no internasiona sira, hodi distribui nesesidade baziku horseik to’o ohin ba centro evakuasaun sira hanesan ai-han bee moos.

Ba komunidade ne’ebe hakotu sira nia vida, hetan ona apoiu umanitaria hosi Ministeriu Solidariedade Sosial no Inkluzaun (MSSI) hanesan kaixaun no nesesidade sira seluk ba familia vitima.

“Ohin loron Protesaun Sivil hamutuk ho ekipa konsorsiu hosi Australian Humanitarian Partnership (AHP), halo ona enkontru hodi halo asesementu ba komunidade afetadu sira, hodi hatene nesesidade sira ne’ebe komunidade afetadu sira presiza”, dehan Diretor Agustinho, iha edifisiu Protesaun Sivil, 05/04.

Diretor Agustinho mos informa katak planu ne’ebe Protesaun sivil halo ona iha antes relasiona ho asuntu dezastre naturais, Sekretariu Estadu Protesaun Sivil (SEPS) prepara tona liu hosi Orsamentu Jeral Estadu (OJE), hodi asegura akontesementu ba dezastre naturais, hodi apoiu komunidde sira ne’ebe afetadu, ajudus  umanitarian sira ne’ebe hare hosi ai-han no sasan sira hanesan material konstrusaun.

Nia dehan material total hodi tulun vitima sira hosi dezastre naturais ne’ebe tau ona iha planu orsamentu hamutuk 3000 resin, mais menus familia uma kain 3000. I

“Instituisaun protesaun sivil mos hetan apoiu hosi ministeriu relevansia sira no parseiru sira ne’ebe serbisu tama iha iha ekipa umanitarian nian no mos hetan apoiu hosi Sala Situasaun Centro Integradu Jestaun Krize (SS-CIJK), hodi responde nesesidade emergensia sira iha situasuan agora dadauk”, dehan Agustinho

Uma kain hamutuk 180 ne’ebe oras ne’e dadauk evakua hela iha edifisiu Protesaun Sivil iha Kaikoli, maioria sira hosi Mascarinhas no Kaikoli.

Print Friendly, PDF & Email

LEAVE A REPLY

Please enter your comment!
Please enter your name here