Home Notisia Vota Kontra PR Lu Olo Nia Viajen, SekJen RENETIL Russuo Fonseca Husu...

Vota Kontra PR Lu Olo Nia Viajen, SekJen RENETIL Russuo Fonseca Husu Halo Reflesaun

2349
0
SekJen RENETIL, Joaquim Russuo Fonseca

Ohin (30/9) Parlamentu Nasional vota kontra dala ida tan ba viajen Presidente da Republika, Fransisco Guterres Lu Olo ba rai liur ho razaun mak hanesan. Membru Parlementu Nasional Bankada Governu nian hatete katak Presidente labele viajen ba rai liur tanba problema rai mos iha hela atu rezolve. Sekretariu Jeral RENETIL nian, Joaquim Russuo Fonseca husu halo reflesaun uitoan ba situasaun ne’e.

“Orgaun soberania hotu tenke efetivu, ho sentidu katak nia tenke produs rezultadu, se nia produs estagnasaun entaun importante tenke halo revisaun oituan, halo reflesaun oituan hodi hare tanba saida maka sai hanesan ne’e,” Russuo hateten.

“Naturalmente ema hanoin katak Prezidente mos, halao kna’ar hodi hametin relasaun ho rai seluk-seluk, iha okaziaun ida ne’e ba Indonesia ho Japaun. Agora ita mak tetu iha visita ida ne’e particular ba iha Indonesia tanba atu inagura Prezidente, depois Japaun karik konaba emprador foun Japaun nian atu simu posse, karik okaziaun ida ne’e importante ba rai Japaun, dala ruma sira hein duni, hanesan rai amigo, rai vinjinhu ita marka prezensa iha ne’eba. Importante mak tenke tetu katak desizaun ne’ebe ita halo bazea ba konsiderasaun internal ita nia la prejudika ita nia relasaun ho rai seluk,” Russuo aumenta dehan.

Iha Parlamentu Nasional, Deputadu Partidu Libertasaun Popular (PLP), Francisco Vasconcelhos, hato’o nia komparasaun vizita Presidente da Republika nian ho hatudu ninia diskonkordansia ba vizita ne’e.

Ba partisipa tomada pose Jokowi ho serminonia liurai emperador iha Japaun, hau nia pergunta, se ita partisipa ema seluk nia tomada pose, internamentu ita nian la fo fo tomada pose ba malu ne’e oinsá? Ita nia problema agora mos tanba ita la fo tomada pose ba malu, “Fransisico Vasconcelhos hato’o ba iha Ajensia Notisioza online Tatoli.

Partidu opozisaun FRETILIN kontinua konsidera vota kontra ne’e nudar vingansa permanente.

“Presidente da Republika laos tur-tur deit hakarak viajen maibe ne’e tanba iha konvite hosi estadu seluk,” Deputadu Antoninho Bianco expresa.

Vota kontra ba Presidente da Republika nia viajen akontese ba dala 5 ona. Ohin votus kontra viajen Presidente nian hamutuk 31, afavor 29, no abstensaun 0.

 

 

LEAVE A REPLY

Please enter your comment!
Please enter your name here