Home Notisia Covid-19, PNTL Kontinua Halo Vizilansia Iha Merkadu no Bairo, Hodi Tau Maskra...

Covid-19, PNTL Kontinua Halo Vizilansia Iha Merkadu no Bairo, Hodi Tau Maskra no Fase Liman Bebeik

812
0
PNTL halo vizilansia iha Merkadu Taibesi. [Foto: Francisco JDA | 08.03.2020]

Reportazen Francisco JDA

Polísia Nasionál Timor – Leste (PNTL) hosi ekipa neen kontinua halo vizilansia ba Centru Merkadu sira no fó avisa, hodi fo hanoin nafatin ba komunidade komprador no vendedor sira ne’ebé faan sasán iha merkadu, atu uza maskra no halo distansia sosial nofizku metru ida too metru rua.

Diviza Inspector Xefi Komando Jerál PNTL, José Siqueira de Jesus, ba Neon Metin hateten fo hanoin nafatin ba vendedor no komprador sira tenke tau Bee iha kios oin no uma sira atu fase liman wainhira sai ba li’ur no fila fali ba uma.

“Ami sempre fo hanoin ba ita nia komunidade sira atu uja nafatin maskra, hodi prevene an nafatin hosi moras ne’ebé ita hasoru,  maske Timor ne’e foin positivu ida, maibé ita prevene duké ita kura, ida ne’e mak ita hotu nia hakarak”, tenik Diviza Inspector Xefi José Siqueira de Jesus, iha Taibesi Merkadu, 07/04

Inspector José Siqueira hatutan katak komunidade barak mak kumpri no iha balun sei ulun toos maibé sempre fo hanoin nafatin

“Ami Polísia Nasionál la’ós dehan tun atu atua, maibé agora dadaun hasoru moras Covid-19 ne’e ita sempre fo hanoin, maske komunidade ulun toos maibé ita sempre hasoru sira ho mamar para fo hanoin nafatin, karik sira neebe la iha atividade importante hela iha uma, karik sira ne’ebé sai ba halo distansia sosial”, tenik Diviza Xefi Inspector José Siqueira.

José Siqueira salienta katak durante semana rua nia laran, hala’o atividade, idak-idak ho ninian  ekipa neen hala’o nia servisu iha Katedral, Bairo Pite, Tuana Laran, Ailok Laran, Maloa, Osindo no Surik mas.

Print Friendly, PDF & Email

LEAVE A REPLY

Please enter your comment!
Please enter your name here