Home Feature EE Halo Juki Labele Hetan Rendimentu Diak, Uluk Hetan $50.00 Agora Hetan...

EE Halo Juki Labele Hetan Rendimentu Diak, Uluk Hetan $50.00 Agora Hetan Deit $5.00 Kada Loron

219
0
Juki Elu vendedor faan sigaru ho pulsa iha Balidi. [Foto: Francisco JDA | 07.03.2020]

Reportazen Francisco JDA

Besik ona semana rua goveru aplika estadu emerjensia, hodi limita movimentu sidadaun nian iha liur, hodi bele prevene-an hosi virus Corona ne’ebe iha ona positivu nain 1 iha Timor.

Situasuan ida  ne’e la dun justu ba Juki Elu ne’ebe loron-loron faannia sasan iha dalan ninin hanesan Sigaru no Pulsa.

Neon Metin hakbesikba Juki hodi hatene nia sentiment bainhira estadu emerjensia ne’e aplika, difikuldade saida mak  Juki hetan nudar vendedor kiik?

Juki Elu ne’ebé faan hela sasán iha dalan ninin hanesan Sigaru no Pulsa hateten ba Neonmetin sente laran triste tanba la hetan rendimentu ne’ebé mak di’ak no nia dehan ema tauk Corona, hodi mai hola sasán.

“Estadu emerjencia ne’e ema ladún hola barak, bainhira taxi ho mikrolet sira halai ne’e rendimentu iha, maibé agora hanesan ne’e la iha, loron ida dala ruma ema la hola, tur to fila ba uma de’it sente la di’ak, se ita la hetan osan”, konfesa Juki ba Neon Metin

Juki rekonnese katak iha loron bailet antes estadu emerjensia sedauk aplika, bele hetan osan $40 – $50 kada loron, maibe bainhira iha ona EE, loron ida Juki hetan deit $4.00 to’o $5.00, dalaruma bele hetan deit $1.00 to’o $2.00 kada loron

“Ema atu mai hola mós tauk hela Corona no la besik mai ita atu hola sasán hanesan pulsa no sigaru, ema sira ne’e sira tauk fali moras ne’e atu hadaet fali ba sira, nune’e sira mós la besik ita”, tenik Negosiante Juki Elu iha Rotunda, Balide, 07 /04.

Negosiante Juki Elu hateten, loron ida hetan de’it $4.00 ka $5.00 ladún sufisiente, atu hola nesesidade uma laran ruma la too, dalaruma modal ne’ebé hola sasán ne’e lakon hotu no la hetan funan no ema la hola lori fila ba uma

Juki ema parte hosi ema kbiit laek ida, nia iha esperansa boot katak estadu emerjensia ne’ebe remata, hodi nia bele hetan rendimentu ruma hosi transporte publiku hanesan Taxi no Mikrolet sira bele hola.

Print Friendly, PDF & Email

LEAVE A REPLY

Please enter your comment!
Please enter your name here