Home Notisia SECOMS Husu Media Tau Importansia ba Ema ho Defisiensia Hodi Kontribui Ba...

SECOMS Husu Media Tau Importansia ba Ema ho Defisiensia Hodi Kontribui Ba Dezenvolvimentu

1142
0
Sekretáriu Estadu Komunikasaun Sosiál (SECOMS), Espedito Dias, (Foto: Joselina | 17.11.2023]

Reportajen Joselina dos Santos

Governu liuhosi Sekretáriu Estadu Komunikasaun Sosiál (SECOMS), husu ba media no jornalista sira katak,  bainhira halao knaar hanesan fontes husi ema ho defisiénsia ba publiku tenke uza linguajen ne’ebé loos no diak, tanba durante ne’e tuir nia haree media la dun fó importansia ba informasaun inkluzivu nian, nune’e media presiza kobertura maximu ba asuntu defisiénsia atu ema ho defisiénsia bele sente katak, sira mos parte husi prosesu no konstrusaun ba estadu no nasaun atu bele kontribui ba dezenvolvimentu.

Sekretáriu Estadu Komunikasaun Sosiál (SECOMS), Espedito Dias, hateten, Formasaun ne’e importante tebes tanba durante ne’e dala barak ema la dun fó importansia ba iha dezenvolvimentu Asosiasaun defisiénsia Timor-Leste liu-liu kona-ba oinsa atu uza linguajen tekniku atu bele tau ba ema ho defisiénsia ho-loloos tuir saida mak konsagra iha Konstituisaun Republika.

“Ita haree ba mandatu konstituisional ida ne’e Timor oan hotu iha direitu ne’ebé hanesan, ita haree ba mandatu konstituional liu-liu ba artigu 40-41 ne’ebé koalia kona-ba liberdade direitu ba informasaun inkluzivu. Ida ne’e signifika ema hotu presiza hetan informasaun ne’ebeè diak no kualidade. Durante ne’e ita haree katak media seidauk kobertura maximu ba ema ho defisiensia nomos linguanjen ne’ebé fó sai ne’e la dun konfortavel tuir sentimentu ema ho defisiénsia nia haree no sente,”dehan, SECOMS iha Salaun ADTL Maskarinas, kinta 16/11.

Governante ne’e hatutan, durante ne’e husi parte governu mos seidauk fó maximu oinsa kria infraestutura asesivel ba ema ho defisiénsia. Tuir nia haree EhD barak mos iha kapasidade hanesan ho ema la desisiensia hodi kontribui ba dezenvolvimentu iha área Komunikasaun Sosiál. Entaun iha IX Governu Konstituisional ida ne’e sei tau atensaun makaas ba iha dezenvolvimentu ba Radio Komunidade Defisiénsia nian, tanba Progresu sensibilidade ne’e dalabarak sai ema seluk nian, liu-liu lideransa sira ne’ebe bele hola desizaun maibe haluha katak sidadaun balun presiza atensaun.

“Infraesturua barak ne’ebé ita haree iha dalan barak seidauk fó fatin ba ema ho defisiénsia, ho situasaun ne’ebé ADTL aprezenta Secoms sei aprezenta iha reuniaun Konsellu Ministru nian atu tau atensaun liu-liu espasu asesivel ba ema ho defisiénsia. nune’e Secoms husu media sira bainhira halao knaar hanesan lian husi ema ho defisiénsia ba publiku tenke uza linguajen ne’ebé loos  atu ema ho defisiénsia bele fiar aan atu bele envolve iha atividade dezenvolvimentu”,nia esplika.

Print Friendly, PDF & Email

LEAVE A REPLY

Please enter your comment!
Please enter your name here