Home Notisia COVID-19, Iha Transmisaun Komunitaria, MS Sei Foti Medidas Mais Reguroju

COVID-19, Iha Transmisaun Komunitaria, MS Sei Foti Medidas Mais Reguroju

295
0
Ministra Saude (MS), Odete Maria Freitas Belo. [Foto: David da Costa | 27.04.2021]

Reportazen David da Costa Gusmao*

Ministra Saude (MS), Odete Maria Freitas Belo hateten bainhira Timor-Leste tama ona iha transmisaun Komunitaria mak sei foti medidas ne’ebe mais reguroju liu, maibe medias sira ne’e, sei halo diskusaun iha Konsellu Ministru (KM).

Minstra Saude hateten konaba transmisaun komunitaria ga lae, Ministra Saude rasik seidauk simu informasaun ida ne’e.

“Konaba transmisaun komunitaria ami seidauk simu informasaun ba iha ida ne’e, maibe iha hela nivel diskusaun, mas ita iha tendensia atu tama iha transmisaun komunitaria, entaun saida mak ita atu halo iha ita nia planu kontijensia,” informa Ministra Saude hafoin remata enkontru ho Primeiru Ministru  (PM), Taur Matan Ruak iha nia  rezidensia Farol, 27/04.

Nia haktuir iha planu kontijensia bainhira  alerta ona katak iha ona transmisaun husi cluster ka iha ona transmisaun lokal ba iha komunitaria, mak sei foti medias mais reguroju.

“Bainhira ita iha ona tramisaun komuntaria katak ita iha duni transmisaun komuntaria, mak ita sei foti medidas ne’ebe mais reguroju liu tan”, nia esplika.

Nia salienta medidas hirak e’e sei halo diskusaun iha Konsellu Ministru relasiona ho transmisaun komunitaria.

*(David da Costa Gusmao nudar estudante UNTL Ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here