Reportajen David da Costa Gusmao
Ekipa Institutu Defeza Dos Direitu de Criansa (INDDICA,IP) kondena makaas aktu militante no simpatizante hosi partidu polítiku Frente Revolusionariu Timor-Leste Independente (FRETILIN), tanba baku observadór Natalino Soares dos Santos, hosi INDDICA,IP nian , bainhira halo hela observasaun ba kampaíña kandidatu Prezidente da Republika (PR), Dr. Francisco Guterres Lú Olo ho numeru sorteiu 6, iha kampu futeboll Comoro, postu Don Aleixo Dili.
Tanba ne’e INDDICA.IP mos kondena aktu violénsia refere no sei hato’o ba Komisaun Nasionál Elisoens (CNE) no Sekretáriu Tékniku Administrasaun Estatál (STAE).
“Iha loron 14 Marsu 2022, ami nia ekipa Institutu Defeza Dos Direitu de Criansa (INDDICA,IP) halo monitorizasaun ba kampaña elitoral kandidatu Prezidente da Republika (PR) Francisco Guterres Lú Olo, ho númeru sorteio neen (6), iha momentu ne’e mak mosu Incidente husi militante partidu politika Fretelin hasoru membru INDDICA,IP nain ida (1) ne’ebe hetan tuku iha parte ulun, tan ne’e INDDICA,IP kondena asaun violentu ne’ebe autor ne’e komete,” dehan portavoz INDDICA.IP, José Turky, liuhosi konferensia Imprensa iha, edifísiu INDDICA.IP, iha MSSI kaikoli, Tersa 15/03.
Ho ida ne’e INDDICA,IP hamutuk ho nia parseiru hotu ne’ebe servisu ba direitu no protesaun ba labarik hakarak rekomenda ba, Lideransa partidu politika sira hotu liu-liu Partidu istoriku Fretelin atu eduka ninia militante sira hotu hodi respeita entidade sira seluk ne’ebe halo servisu nakait ho kampaña elitoral.
Tanba ne’e ekipa susesu partidu politika nian hodi mantein ordem iha kampaña elitoral no respeita ekipa observador Nasional no Internasionál sira.
“Ekipa seguransa partidu politika sira tenke kontrola imi nia militante partidu politika ne’ebe konsumo alkohol,” Jose husu ba seguransa partudu Politika sira.
Nune’e mós husu ba CNE no STAE nudar orgaun elitoral hodi tau regulamentu ida ne’ebe rigorozo hasoru hahalok Violentu hasoru ekipa monitorizasaun husi instituisaun independente sira.
