Reportajen David da Costa
Partidu Sosialista Timor (PST), Atu redus ba iha Mudansa Kiliamtika, partidu PST sei foka no halo dezenvolvimentu ba iha setór Agrikultura, Meiu Ambiente no setór Floresta, ida ne’e alvu prinsipál para salva guarda ba Mudansa Klimatika iha Timor-Leste.
“Ha’u hanoin vizaun programa ba Partidu Sosialista Timor ninian, ami foka liu ba iha setór Agrikultura, setór meiu Ambiente no setór floresta, ida ne’e alvu prinsipál para salva guarda ba mudansa klimatika,” dehan Koordenadór Komisáriu Partidu Sosialista Timor (PST) husi Munisipiu Ermera , Juvensiano Seja Soares dos Santos, ba Neon Metin, Iha Museum Rezistensia Dili, Sexta 12/05.
Nia haktuir, haree nasaun barak, hanesan Nasaun dezenvolvidu sira maka hamosu ka nain ba iha mudansa klimatika, maibé Nasaun ki’ik hanesan Timor-Leste sai korban ba mudansa kilimatika ne’ebé akontese dadauk ne’e. Maibé Timor iha mós karakteristiku ema nian ne’ebé maka hamosu mudansa klimatika maka laiha konsiente taa ai-arbiru, oho animal ka balada fuik sira, sunu rai arbiru, halo toos iha fatin ida no ba fatin seluk, ida ne’e mós hamosu mudansa klimatika. Entaun partidu PST mai ho vizaun ne’e define katak atu abelun amigavel ho mudansa klimatika setór Agrikultura, Setór Ambiente no Floresta ne’e prioridade, tenke dezenvolve loloos.
“Nune’e atu responde ba iha problema ne’e, ita tenke konserva ai-horis, fo subsidou ba povu, atu nune’e sira servisu ho vontade tomak, tanba povu agrikultura balun ekonomia la supesente tesi ai ba faan tiha, entaun ida ne’e maka estraga no hamosu mudansa klimatika ne’e, entaun ita tenke fó subsidiu ba agrikultór sira, ida ne’e dalan alternativa atu labele hamosu mudansa klimatika,” nia esplika.
Nune’e, Partidu PST nia programa di’ak, se povu maka esklaresidu di’ak liu vota ba PST, se povu maka hatene rai ne’e ninia, la’os estadu nian, entaun vota ba PST, povu maka hatene katak osan laiha tenke apoiu PST. Tanba ne’e, PST husu ba povu sira ne’ebé nia rai estadu hadau, tenke vota ba PST, no partidu PST sei dada fila, tanba rai povu nia la’os estadu nian, estadu hari husi povu, poder povu maka fó, labele esplora beibeik povu. Tanba ne’e, partidu PST mak sai alternativu tenke vota ba partidu PST, tanba povu sei hetan benefisiu husi estadu.
