Reportajen David da Costa Gusmao
Kandidata Prezidente Repúblika (RP), Isabel Da Costa Ferreira ho númeru sorteiu 1, hato’o nia vizaun no misaun sekarik eleitu sai Prezidente Repúblika, katak iha ambisiozu atu konsolida independénsia no fee família no patria.
Kandidata Prezidente Republika, Isabel Da Costa Ferreira dehan nia vizaun hanesan kandidata aan ba prezidente da Republika ba periodu 2022-2027, mai ho vizaun ida simples maibe ho ambisiozu konsolida independénsia no fee família no patria, no misaun ne’ebé maka atu halo hanesan Prezidente Repúblika maka tuir kompeténsia Prezidente Repúblika ne’ebé maka konsagra ona iha Konstituisaun RDTL.
No sai kandidata ba Prezidente sei halo vizaun ho misaun ne’e tuir deit nain Maromak nia hakarak, no atu kompre konstituisaun, garante funsionamentu instituisionál atu hametin unidade nasionál ba povu Timor tomak, atu atinje objetivu sira ne’ebe maka define ona iha artigu 6 konstituisaun RDTL nian.
“Ne’ebe ita habadak deit ba paz, estabilidade no bem estar,”nia dehan.
