Home Notisia Aplika EE, Julio: Ami Hatene Corona Ne’e Perigozu, Maibe Sei Iha Uma...

Aplika EE, Julio: Ami Hatene Corona Ne’e Perigozu, Maibe Sei Iha Uma Hau Atu Han Saida?

674
0
trabalhador Julio de Araujo ne’ebé mak serbisu iha loja YUJIA666. [Foto: Santina Lucia da Costa | 07.03.2020]

Reportazen Santina Lucia da Costa

Estadu Emerjensia [EE] ne’ebe mak aplika tanba kauza hosi virus Corona, hodi prevene an hosi virus Corona, hamosu injustisa hosi anglu seluk.

Bainhira jornalista Neon Metin halo observasaun direita iha loza sira, konsege halo entrevista ho komprador Mateur Eduardo. Ba Neon Metin Eduardo hateten relasiona ho EE sira hatene, maibe bainhira hare loza barak mak loke, ho nune  aproveita hola kedas sasan sira, sekarik loza la loke, sei la mai hodi hola sasan.

Eduardo ne’ebe hola sasaun iha loza area Rai Kotuk konfesa katak hola sasan atu ba halo uma, maibe sira hatene oinsa prevene-an hosi covid-19  mak tenke fase liman no halo distansia social 1 metru.

“Ami nia hakarak estadu labele hakaas de’it ba povu kiik sira kbiit laek ne’e, se bele iha Dili laran ne’e taka total, ne’e para ema labele lao, balun halo tuir no balun loja loke hela, hanesan agora dadaun estadu haree de’it. Sasan ne’e agora ami lori ba Munisipiu”, hateten Komprador Mateus Eduardo.

Iha fatin hanesan, trabalhador Julio de Araujo ne’ebé mak serbisu iha loja YUJIA666 dehan hanesan trabalhador bainhira taka loja ne’e, sente triste tanba sei susar atu buka osan, hodi sustenta moris

“Hau nudar kariwan, governu dehan taka loja, hau sente triste, hau atu foti osan iha ne’ebé mak hodi han lor-loron nian, se karik sira loke nafatin hanesan ne’e, fulan ami hetan salariu. Loja ne’e foin loke fali iha horibainrua, durante loron hira liu ba la loke tanba estadu dehan loja hotu tenke taka, entaun osan atu selu ba taxa ne’e laiha”,  hateten Julio de Araujo.

Julio maske nudar trabalhador babain iha loza Xinanian ho salariu kiik,maibe Julio mos komprende diak saida mak virus Corona. Julio hatene katak virus ne’ebé perigu tebes ba ema nia saude, maibe sekarik iha uma deit tanba EE, Julio la hatene atu han los saida.

“Covid 19 seidauk kona ita, maibé ita han lai mak hodi hein Covid-19. Nasaun hotu tauk, ita mos tauk, maibe se ita la serbisu, hau sente la di’ak ne’e ita bele mate. Maske ita tauk, maibe esforsu-an nafatin hodi hetan netik osan uituan”, tenik Julio ba Neon Metin

Neon Metin tenta atu intervista loja na’in YUJIA666, maibé loja na’in lakohi koalia, nia haruka trabalhador Julio Araujo mak reprezenta koalia katak, sira estranjeirus mai iha ne’e selu ba estadu, selu ba ema nia uma no rai, ne’ebé sekarik sira taka, entaun sira lori saida mak selu ba estadu, uma no rai. Ho razaun ida ne’e mak sira hodi loke loja ne’e, atu hetan osan uituan maske la barak, atu nune’e selu ba taxa no selu ba uma ho rai ho presu $3000.

Fungsionariu ne’ebe serbisu iha loja YUJIA666 total nain 3, feto ida, mane rua. Loja refere faan sasan konstruksaun nian hanesan Semente, besi, ai, tinta no sasaun sira seluk.

Tuir observasaun Neon Metin, komprador sira sosa sasan la ho distansia fiziku no komprador balun la uza maskra no loja refere la prepara bee atu fase liman antes tama ba loja laran.

Neon Metin konfirma ho PNTL Xefe Ekipa Juridiku, Inspetor Virgilio Correia hateten, loja hotu  iha Timor laran tomak, Lei autoriza para atu loke, loja sira tenke loke para asesu ba ita nia komunidade sira.

“Depois de loron primeiru no segundu ita haruka loja sira ne’ebe fa’an sasan konstrusaun haruka sira taka, maibe ita tenta halo interpretasaun Lei dekretu governu nu. 3/2020, ita hanoin katak iha ne’eba hateten, atividades prestasaun serbisu, loja sira ne’ebé fa’an sasan baziku ba ita nia sosiedade sira kontinua loke para ema hotu bele asesu”, esplika Virgilio

Virgilio hatutan kualker aktividade komersiu ne’ebe loke, inklui loja sira ne’ebe fa’an konstrusaun, eletronik ka fa’an roupa, importante mak distansia tenke halo nafatin, uza maskra, loja na’in tenke prepara bee, la autoriza ema sira ne’ebé la tau maskra tama ba loja laran.

Print Friendly, PDF & Email

LEAVE A REPLY

Please enter your comment!
Please enter your name here