Home Notisia RENETIL, Lamukan: Velosidade Kareta Governu Lao Lalais Liu Velosidade Dezenvolvimentu

RENETIL, Lamukan: Velosidade Kareta Governu Lao Lalais Liu Velosidade Dezenvolvimentu

664
0
Eis-Sekretariu Komite Permanente Diresaun Central RENETIL, Virgilio da Silva Guterres “Lamukan”. [Foto: Francisco JDA | 22.06.2021]

Reportajen Santina Lucia da Costa

Iha loron moris Resistência Nacional dos Estudantes de Timor-Leste (RENETIL) ba dala 33, Neon Metin organiza talkshow interativu ho tema RENETIL nia pasajen: Hosi rezistensia mai ukun rasik-an.

Liu hosi diskusaun refere Eis-Sekretariu Komite Permanente Diresaun Central RENETIL, Virgilio da Silva Guterres “Lamukan” hato’o nia perspetiva konaba Dezenvolvimentu sosio-ekonomiku Timor-Leste nian ida hanesan ohin loron mak RENETIL hakarak? Tuir Lamukan katak Dezenvolvimentu labele lao tanba depois de bandeira sae ita deklara-an hotu eis-kombatentes, tamba ne’e eis hotu ona, ita laos kombatentes ona, eis-gerileiro hau konkorda, eis-kladestina hau konkorda mais eis-kombatentes labele.”

Lamukan hatutan RENETIL ne’e ema na’in 10 de’it hakerek dokumentu simples ida ne’ebe iha tinan ida nia laran ita bele implementa tur to’o objetivu ne’e to’o hotu, dezenvolvimentu ida ne’e livru mahar boot tebes, kapas no lee furak, maibe planu estratejiku la lao

“Planu estratejiku la lao tanba saida, pergunta ba hau laos tanba saida, preparar profisionais eivados de consciencia revolucionaria. Ita nia konsiensia revolusionariu ne’e sei iha ka lae, hau haree laiha, tanba laiha ne’e mak sistema edukasaun, ita nia kurikulu edukasaun, edukasaun ruzuas (edukasaun burgezia ka borjuasi) ne’e planu ruzuas ninian, laos planu ida ita hakarak liberta povu ne’e laiha,” akresenta, Eis-Sekretariu Komite Permanente Diresaun Central RENETIL, Virgilio da Silva Guterres “Lamukan”, iha Talk Show iha ambitu Aniversariu RENETIL ba dala-33, iha Salaun RENETIL, Farol, 20/6.

Lamukan afirma tinan-tinan orsamentu sae hela de’it, orsamentu sira ba iha ne’ebe, deputadu sira mak kareta troka ba mai, dezenvolvimentu Timor-Leste ninian velosidade neneik, velosidade kareta governu nian lalais liu, velosidade dezenvolvimentu lao neneik liu

“Dezenvolvimentu ita haree lao maibe ema seluk ninia dezenvolvimentu, laos ita nia dezenvolvimentu, tanba dezenvolvimentu ida mai dadaun ne’e laos dezenvolvimentu atu liberta ema, liberta povu ne’ebe ita hakarak ne’e”, dehan Lamukan

Nia hateten dezenvolvimentu umanu ida ne’ebe kuandu ema ida livre, nia bele kontribui atu halo sira seluk nia grupu ne’e mos livre hotu, liberdade koletivu ne’e depende ba ema ida nia liberdade iha dezenvolvimentu nia laran, tanba ida ne’e la lao, ita labele dehan libertasaun mos lao.

Lamukan rekomenda ba membru RENETIL sira ne’ebe tur iha Parlamentu Nasional, hodi tau atensaun ba debate orsamentu ba setor save sira hanesan edukasaun tuir padraun internasional nian tenki 20% husi aprova orsamentu, mais 5% de’it, rai ne’e tinan ida atraza tinan lima, ba agrikultura,  dehan povu tenki moris, povu 80% ne’e moris dependente  ba agrikultura, mais orsamentu estadu  husi $ 1.7 de’it.

Nia dehan RENETIL kontinua hala’o nia knar akompañamentu iha politika publika ninian, kona-ba asuntu edukasaun, ba formasaun hasae konsiensia ne’e mos importante oinsa produz surat tahan ruma, atu fo Parlamentu ka governu atu tau atensaun ba setór xave sira ne’ebe bele apoiu ita atu alkansa ita nia objetivu libertasaun patria no libertasaun povu.

Print Friendly, PDF & Email

LEAVE A REPLY

Please enter your comment!
Please enter your name here