Home Notisia Loron RENETIL, Samalarua: Dezenvolvimentu Sosio-Ekonomiku Iha TL Sidauk Iha Modelu

Loron RENETIL, Samalarua: Dezenvolvimentu Sosio-Ekonomiku Iha TL Sidauk Iha Modelu

563
0
Eiz-Prezidente Commite Permanente RENETIL, Jose Neves “Samalarua”. [Foto; Copyright google | 22.06.2021]

Reportajen Santina Lucia da Costa

Resistência Nacional dos Estudantes de Timor-Leste (RENETIL) organizasaun rezisténsia estudante sira iha Indonesia, ne’ebe fo sira nia an ba luta ukun rasik iha durante rezim Soeharto, liu hosi loron moris RENETIL nian ba dala 33, iha loron 20 Junu, liu hosi talkshow interativu ne’ebe organiza hosi RENETIL no Neon Metin, no hetan apoiu hosi media CorcoDili, Dumfao no Lafaek News, iha segmentu konaba Dezenvolvimentu sosio-ekonomiku Timor-Leste nian ida hanesan ohin loron mak RENETIL hakarak? Nune’e Eiz-Prezidente Commite Permanente RENETIL, Jose Neves “Samalarua” hatoo nia perspetiva katak COVID iha ka laiha dezenvolvimentu ekonómika iha Timor-Leste seidauk iha modelu, mais COVID-19 mosu obriga ita tenki haree, kria liu tan dezenvolvimentu ekonomiku ba sosiedade Timor-Leste.

“COVID iha ka laiha dezenvolvimentu ekonómika iha Timor-Leste seidauk iha modelu, lalika haree ba COVID, mais COVID mosu, obriga ita tenke haree kria liu tan dezenvolvimentu ekonómiku ba sosiedade Timor-Leste,” hateten Samalarua iha salaun RENETIL, Farol, 20/06.

Samalaru hateten fundamentu balun kona-ba vida ekonómika sosiál sidadaun Timor ninian ne’e temi ona iha konstituisaun iha artigo 139 hateten, kombinasaun entre setór públiku no setór privadu, setór kooperativa no sosiál hamutuk, signifika laos kapitalista, sosialista maibé klaran.

“Ita seidauk define tanba setór privadu dominante, setór privadu Timor depende setór foun, seidauk iha setor privadu ida mak agora hateten bele krize ba mos hau autónomu, kompañia lao nafatin, projetu lao nafatin, signifika setór privadu fraku, setor públiku sei mesak hela, setór sosial kooperativa ita seidauk esplora nia poténsia sira ne’e”, dehan Samalarua

Nia dehan ita tau iha planu estratéjiku dezenvolvimentu atu koloka 5 anos to’o 50 anos dezenvolvimentu ida ne’ebé mak halo mudansa, ita ninia planu estratéjiku ba dezenvolvimentu la hatete dehan to’o tinan 2030, sosiedade Timor-Leste atinje rendimentu médiu altu.

 “Hau laos ema ekonomista mais haree naturalmente definisaun ekonómiku ema la moris ho médiu altu no médiu prazu, mais iha vida seluk presiza prienxe, depois mak atinje ona rendimentu médiu altu, ne’e makro ekonómiku, mais mikro ita sukat iha ne’ebé, dalan ida mai hau simples para atu sukat vida ekonómiku di’ak ne’e familia, familia nia moris to’o ona nivel rendimentu médiu altu, bainhira Timor tomak atinje nia makro ekonómiku ka lae,” esplika Samalarua.

Nia akresenta, Saida mak sai sentru dezenvolvimentu para ita koloka pembagunan ne’e, ema mak sai sentru iha dezenvolvimentu, se ita koloka ema hanesan sentru labele akontese, independensia ita atu rezeita kolonialista, se ita ukun-an tiha ita sei kontinua estatutu ida hanesan ne’e, ema dehan ita sei beik dependente, ita seidauk sai husi kolonializmu mental, fizikamente, politikamente, teritorialmente Timor-Leste, maibe mentalidade sei kolonializadu, entaun saida mak presija, revolusaun mental.

Samalarua, dehan, Revolusaun tanba konsiente, ita konsiente mak ita halo revolusaun, primeiru konsiente katak, hau fraku ida ne’e, ida ne’e tenki sobu, se hau gosta selok ema, hau tenki konsiente katak sira regula di’ak para muda hau nia mentalidade ne’e, signifika halo revolusaun mental konsiente tenki iha uluk.

“Ita kuandu halo definisaun politika ba interese nasional, mais definissaun politika ba interese nasional seidauk konsiensializadu iha ema sidadaun inklui mos lider sira, partidu politiku mos hau hanoin ninia pontu importante mak partidu, partidu politiku sira, partidu politika la sensibiliza ninia ema, la koloka konsiensia nasional, la koloka interese nasional mak saida, kuandu ba kaer governu interese privadu ne’e iha. Kuandu interese privadu iha, Timor-leste kontinua atrazadu kolonizadu mentalmente.” dehan, Samalarua.

Nia sublina, Revolusaun mental, ne’e doutrina ida sei validu ba hotu-hotu inklui ba partidu politiku sira, tenki halo revolusaun ida ne’e para tau-an iha independensia.

Nia afirma, Husi 2002 to’o mai agora libertasaun dezenvolvimentu rua de’it, dezenvolvimentu atu liberta ema husik atu livre halo, mais iha ne’e tenki kuidadu, dalaruma deskontroladu livre atu halo demais, ida ne’e maka sistema politika, formasaun tenki lolos para livre husi livre atu  halo iha ninia kriteria, ida-idak ninia regras, aposta iha ema, aposta iha edukasaun.

 Resistensia Nasional Estudantes Timor-Leste (RENETIL) ho Media online Neon Metin Organiza Talk Show kona-ba RENETIL nia pasajen, husi Resistensia mai ukun rasik-an iha ambitu Aniversariu RENETIL ba dala-33,  ne’ebe apoiu husi Crocodili Multimedia, DAMFUO, ho Lafaek News, hala’o iha Salaun RENETIL, Farol, loron, 20/6.

Print Friendly, PDF & Email

LEAVE A REPLY

Please enter your comment!
Please enter your name here