Home Notisia Loron RENETIL, Asanami: Ukun Hanesan Responsabilidade Laos Oportunidade

Loron RENETIL, Asanami: Ukun Hanesan Responsabilidade Laos Oportunidade

752
0
Diskusaun interativu RENETIL. [Foto: Santina Lucia da Costa | 22.06.2021]

Reportajen Francisco JDA

Resistência Nacional dos Estudantes de Timor-Leste (RENETIL) iha loron aniversáriu ba dala 33, realiza talkshow ho tema hosi tempu rezistensia mai ukun rasik-an, ho objetivu hanoin hikas fila fali luta hotu ne’ebe estudante timoroan sira hala’o iha Indonezia, inklui nasaun seluk atu oinsa bele buka solusaun no fo apoiu ba komandu da luta no rezistensia sira iha ai-laran ba ukun rasik an.

Iha diskunsaun nia laran, Tuir Eis Vise Sekretariu Jeral RENETIL no atual deputadu Parlamentu Nasional, Mariano Assanami Sabino iha segmentu diskusaun kona ba dezenvolmentu Timor-Leste, nia  hatete katak dezenvolvimentu ne’ebe dadaun ne’e lao iha Timor-Leste, dook tebes komprometidu hosi Indonezia no Timor Leste ba reformasi, nune’e demokratizasaun  ne’e mosu depois siénsia kontinua ho libertasaun povu, konteúdu ne’e kesi malu hela tanba sentidu pertense responsabilidade mak diferente, tanba ema balun hatete ukun ne’e hanesan oportunidade maibé lolos ne’e responsabilidade, tanba ne’e luta kontinua, hamriik hanesan mate restu ne’e tenke iha diferente.

“Ita nia kongresu ida ne’ebé halo kona ba armonizasaun social iha kontestu Timor ida foun ne’e, depois de konflitu naruk, atu hakotu korrente ne’e para harii Timor foun ida mais ita la konsege harii Timor foun ida, ita mantein nafatin ho Timor ida tuan ne’e mai ho istória, ita agora ne’e halo esplorasaun konta istoria para ema vota ita, konta ita nia komandante sira, maun boot sira konta sira nia istória para ema vota, ne’e pembodohan la iha demokratizasaun. Ita koalia kona ba ekonomia social, edukasaun, saúde hanesan   elementu nasionál para rasionaliza”, dehan Asanami

Nia dehan partidu ne’e instrumentu para liberta ema, eduka ema para sai lider maibe partidu sai instrumentu para kontinua hasai odio no vigansa ba antigamente ne’ebe sira iha.

Iha Fatin hanesan Eis Secretariu DIGERTIL, Antonio da Conseicao “ Kalohan” nu’udar mos deputadu Partidu Demokratiku haktuir katak iha RENETIL haburas konsensia ne’ebe obta bainhira tama hanesan ativista, ba kondisaun moris ne’e nune’e espíritu sira ne’e mak la lori fali iha pratika governasaun, entaun presiaa halo konsensializasaun atu nune’e bele iha partisipasaun diak iha ukun.

“ Hau hanoin ita hakarak ona atu rona responsabilidade ne’ebe ita iha, ba vida nasaun nian maibe ita nia partisipasaun ne’e tama iha instrumentu ne’ebe mak ita tenki hanoin hanesan RENETIL,  saida mak RENETIL halo atu kontribui fila fali atu hadia sitausaun ida ne’e”, dehan Kalohan

Iha diskusaun nee marka mos prejensa hosi Secretariu Jeral RENETIL, Joaquim Fonseca “ Rusuo”  no Eis Presidente  Comite Permanente RENETIL Jose Neves “ Samalarua”, Virgilio Guteres “Lamukan” Eis Secretariu komite Permanente diresaun Central RENETIL, no Fundador Renetil Carlos da Silva Lopes “ Saky”

Print Friendly, PDF & Email

LEAVE A REPLY

Please enter your comment!
Please enter your name here