Home EduTek Eskola EFB Kamea Rai-Hun Menus Fasilidade Meza no Kadeira Ba Professor

Eskola EFB Kamea Rai-Hun Menus Fasilidade Meza no Kadeira Ba Professor

484
0
Koordenadora Eskola Filiar Báziku 1 no 2 Kamea Rai-hun, Agostinha de Fatima Gusmão. [Foto: Joanina | 03.02.2023]

Reportajen Joanina Casamiro

Eskola Filiar Báziku, (EFB) harii iha tinan 1984 iha suku Kamea Rai-Hun, Postu Administrativu Cristu Rei, menus fasilidade meza no kadeira ba Professores, maski meza no kadeira ne’e aat ona, maibe sira kontinua uza tanba laiha meza no kadeira.

Bainhira Neon Metin halo entrevista ho Koordenadora Eskolar Filiar Báziku Kamea Rai-hun, Agostinha de Fatima Gusmão, Hateten fasilidade iha eskola ida ne’e sei menus mak kadeira no meza ba Professor ou Professora sira, tanba kadeira no meza ne’ebé uza aat hotu, maibé Fasilidade eskola nia ba estudante sira buat hotu di’ak  hela, maibé ba iha professorres maka meza kadeira aat hotu ona.

“Tanba kadeira no meza sira lori iha mai iha tinan 2009 ne’e to’o agora komesa a’at hotu ona, durante ne’e ami prezisa duni kadeira no meza ba Professor no Professora sira, no ba iha sala sekretaria nian,”  Dehan Koordenadora eskola EFB Kamea Agostinha ba Neon Metin iha nia seervisu fatin, kinta  2/02.

Tanba ne’e hakarak husu ba Ministeriu Edukasaun, hodi bele responde hela ba problema sira ne’ebe maka eskola ne’e hasoru, liuliu ba iha fasilidade meza ho kadeira ne’ebé maka professors sira presiza durante ne’e.  

Iha fatin hanesan Professor Soares Dias Ximenes, hatuir mós, iha Eskola Filiar Bázika Kamea Rai-Hun ne’e sei menus kadeira meza. Karik governu ajuda uitoan mai lalika to’o 100% ida, maibé 50% deit mós diak ona no ida ne’e bele ajuda ona eskola ne’e.

Maske eskola ne’e iha kondisun aat no meza kadeira ba professore aat hotu ida ne’e la hamate profesores sira nia vontade hodi fahe sensia ba estudante sira, tanba labarik sira maka future nnasaun nian.

“Maske ho kondisaun eskola hanesan ne’e, maibé ami nafatin iha komitmentu no responsabilidade ami  nafatin hanorin estudante sira no fahe sensia ne’ebé maka ami iha,” nia esplika.

Nune’e mós nia husu ba  Ministériu Edukasaun Juventude no Desportu, bele apoiu  hela eskola ne’e, fo meza no kadeira para professors sira uza hodi kontinua fahe hodi hanorin estudante sira.

Print Friendly, PDF & Email

LEAVE A REPLY

Please enter your comment!
Please enter your name here