Home Notisia MEJD Sei Reativa Eskola sira, Maibe Bainhira Persentajen Profesores Vasina Barak Ona

MEJD Sei Reativa Eskola sira, Maibe Bainhira Persentajen Profesores Vasina Barak Ona

2685
0
MEJD, Armindo Maia. [Foto: Davida da Costa | 22.06.2021]

Reportajen David da Costa Gusmao

Ministériu Edukasaun Juventude no Desportu (MEJD), Armindo Maia informa bainhira eskola sira ne’ebé persentagen profesor sira hetan vasina barak ona, sei reativa iha fulan Jullu nia klaran no MEJD sei esforsu  atu bele fo kondisoens, nune’e eskola hotu bele loke fila fali, maibé husu nafatin ba hotu atu bele tuir vasina nune’e bele reativa lalais eskola.

 “Ita mos hare eskola sira ne’ebé persentajen profesores sira vasina barak ona, entaun ita sei reativa, no horseik foin reuniaun sei halo preparasaun, nó ita espera iha meiados de Jullu eskola sira ne’ebe iha kondisaun bele reativa,” dehan Ministru Armindo Maia, bainhira partisipa iha vasina, iha CCD, Tersa, 22/06.

Nia afirma eskola hotu-hotu ne’e la’os atu reativa hotu, maibe ida por ida, ba ba sira ne’ebe iha kondisaun ona atu bele reativa.

Ho nune’e MEJD Armindo Maia husu ba estudante sira ne’ebe ho idade 18 ba leten, profesores, no funsionaria sira inklui inan aman sira atu tuir vasina, nune’e bele reativa fila fali eskola ne’ebe taka tanba COVID-19.

“Hakarak apela ba mestre sira funsionária, estudante sira ne’ebe tinan 18 ba leten, atu ba tuir vasina inklui mos inan aman, atu nune’e ita bele loke fila fali eskola sira ne’ebe durante ne’e ita taka tanba COVID-19, se ita hotu ba tuir vasina maka ita sei loke ita nia eskola lalais liu” nia apela.

Nia salienta ba sira ne’ebé lakohi tuir vasina Ministériu sei foti medida tanba sirkulár husi MEJD fo sai katak profesores no funsionaria sira obrigatóriu tenke vasina.

“Sirkular sai tiha ona husi MEJD katak ba funsionaria profesores sira ne’e obrigatoriu tenke tuir vasinasaun, maibe ba sira ne’ebe seidauk depois lai ba, maibe Ministeriu sei foti medidas,” afirma nia.

Print Friendly, PDF & Email

LEAVE A REPLY

Please enter your comment!
Please enter your name here