Home Notisia Getrudes: Lasama Sempre Dehan Aprende Tolan Sasan Moruk, Atu Lori Nasaun Ba...

Getrudes: Lasama Sempre Dehan Aprende Tolan Sasan Moruk, Atu Lori Nasaun Ba Oin

933
0
Militante RENETIL no lideransa feto iha Partidu Demokratiku. [Foto: Santina Lucia da Costa | 07.06.2020]

Reportazen Santina Lucia da Costa

Fundador organizasaun Resistência Nacional dos Estudantes de Timor-Leste (RENETIL), saudozu Fernando Araujo “Lasama” ne’ebe fila hikas ona ba Aman Maromak, husik hela memoria nebe iha valor boot ba militante RENETIL sira.

Liu hosi komemorasaun tinan 5 Saudozu Lasama nian ne’ebe organiza hosi RENITIL, Neon Metin dada lia ho lideransa feto ne’ebe hanesan militante RENETIL, ne’ebe involve an mos iha Partidu Demokratiku (PD), Getrudes Moniz ba Neon Metin hatutan istoria ba Neon Metin, konaba memoria ne’ebe nia hetan hosi saudozu Lasama.

Getrudes hateten wainhira serbisu hamutuk ho saudozu Fernandu Lasama, memoria ne’ebe mak sei iha mak, saudozu Lasama figura joven ida ne’ebe mak hamriik firmi ho pozisaun hakarak ukun rasik-an, nia hanorin ami katak, laiha rezerva ba ukun rasik-an, laiha toleransia, luta nafatin ho nia liafuan ne’ebe mak RENETIL lori to’o ohin loron mak “mais vale cientico do que sem patria”  tanba ne’e mak membru RENETIL barak agora dadauk labele finaliza sira nia estudu, tanba sira fo duni sira nia-an ba nasaun ida ne’e.

“Buat importante mak hau hetan husi saudozu Lasama mak, hau fiar katak saudozu Lasama sei moris to’o ohin loron, situasaun politika iha nasaun ida ne’e la sai hanesan agora. Ida ne’e hau nia esperansa boot tebes. Buat ida seluk ne’ebe mak hau rai nafatin ohin loron, nia sempre koalia konaba aprende tolan sasan moruk, mezmu moruk oinsa, aprende tolan atu lori nasaun ne’e ba oin. Tanba ida ne’e mak Lasama nia memoria, to’o ohin loron ami ne’ebe mak mai husi RENETIL, mai mos husi Partidu Demokratiku (PD), ami sei la labele haluha espiritu ne’ebe mak Lasama husik hela mai ami”, hatutan Getrudes Moniz iha jardim Herois de patria Metinaru, 5/06.

Hanesan lideransa feto ne’ebe partisipa iha vida politika, esperiensia saida mak hetan hosi saudozu Lasama? Ba Neon Metin Getrudes hateten, “uluk hau sei deputada, hau sempre koalia katak, tanba Lasama mak hau tama iha Partidu Demokratiku , to’o ohin loron hau nafatin hamutuk ho PD, mezmu ke Lasama laiha ona, hau fiar katak nia espiritu sei moris nafatin iha PD no mos ninia espiritu lalakon iha RENETIL.  To’o bainhira de’it ami sei lori ninia mehi ba oin.

Ho situasaun politika ne’ebe agora dadauk akontese, sekarik Lasama sei moris pensamentu saida mak tenke halao? Ba Neon Metin lideransa partidu ne’e hateten buat ne’ebe mak Lasama husik hela iha PD no mos iha RENETIL, buat ne’ebe mak PD sempre hato’o katak halo dialogu entre lider boot sira, aman ba nasaun ida ne’e, atu halo dialogu, entre aman ba nasaun ida ne’e, aman sira ne’ebe funda nasaun ida ne’e, “ita halo dialogu, ida ne’e mak PD hakilar nafatin tanba Lasama husik hela hanesan ne’e ba ami”.

Print Friendly, PDF & Email

LEAVE A REPLY

Please enter your comment!
Please enter your name here